Omnis sapientia a domino deo est et cum illo fuit semper et est ante aevum

Dominus possedit me ab initio viarum suarum antequam quidquam faceret a principio necdum erant abyssi et ego parturiebar quando praeparabat caelos aderam cum eo componens omnia

Regem magnum*

Nocte surgentes*

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Ego in altissimis habito et thronus meus in columna nubis

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum assistricem sapientiam

Domine pater et deus vitae meae ne derelinquas me in cogitatu maligno extollentiam oculorum meorum ne dederis mihi et desiderium malignum averte a me domine aufer a me concupiscentiam et animo irreverenti et infrunito ne tradas me domine