Homo quidam erat dives et induebatur purpura et bysso et epulabatur cottidie splendide et erat quidam mendicus nomine Lazarus qui jacebat ad januam ejus ulceribus plenus cupiens saturati de micis quae cadebant de mensa divitis et nemo illi dabat sed et canes veniebant et lingebant ulcera ejus alleluia

Rogo te pater ut mittas eum in domum patris mei habeo enim quinque fratres ut testetur illis ne et ipsi veniant in locum hunc tormentorum ait illi Abraham habent Moysen et prophetas audiant illos

Quidam homo fecit cenam magnam et vocavit multos et misit servum suum hora cenae dicere invitatis ut venirent quia omnia parata sunt alleluia

Exi cito in plateas et vicos civitatis et pauperes ac debiles caecos et claudos compelle intrare ut impleatur domus mea alleluia

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat eam alleluia