Cum se judex poneret causas judicandas haec adesse voluit fraudes removendo pupillos et viduas pie defendendo

Hedwigis sancta inclita nos serves a ruina nosque frui facias gratia divina

O quam felix Hedwigis quae regnum mundi et omnem ornatum saeculi contempsit propter amorem domini Jesu Christi currens finem ad beatum sanctae vitae celibatum anhelabat siciens

Signum crucis mente gerens siti fame se affligens passionis Christi memor forens

Haec in carne generosa mortis Christi pretiosa stigmata portavit numquam fuit ociosa sed mens ejus studiosa legit semper aut oravit

Manus ejus operosa caelum sibi copiosa mercede comparavit

Sancta Hedwigis inclita quae fuit in spiritu caritatis fervida in laude orationum sedula ipsa intercedere dignetur ad Jesum dominum regem angelorum pro famulorum salute