Virtutum exertitio longoque confecta senio Hedwigis beata transcenso mortis stadio carnis dirupit vinculo caeli potitur praemio dei corregnans filio cui laus sit et gloria per infinita saecula

O mira dei bonitas qua mutatur sublimitas in beata Hedwigae cui mundana prosperitas ac principatus dignitas prorsus viluere in qua jugis humilitas victus et vestis vilitas modum excessere quam fides spes et caritas et Christi fecit pietas caelum possidere

Istae sunt vere dilectae*

Laetis canamus vocibus tot paradisi floribus quas virginitas lilium rosas fecit martyrium quarum prece da domine ut flore pudicitiae caro nostra refloreat ne in aeternum pereat

Auctori vitae psalmis jubilando venite est quia virginei deus ipse corona tropaei

Sanctorum meritis*

Secus decursus fluminum stetit hoc germen virginum quod nulli cedens turbini mansit in lege domini