Martinus hic pauper et modicus caelum dives ingreditur
Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur
Martinus episcopus migravit a saeculo vivit in Christo gemma sacerdotum
O quantus erat luctus omnium quanta praecipue moerentium lamenta monachorum quia pium est gaudere Martinum et pium est flere Martinum
Beati viri corpus usque ad locum sepulcri hymnis canora caelestis turba prosequitur
Ora pro nobis beate*
Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces
Domine si adhuc populo tuo sum necessarius non recuso laborem fiat voluntas tua