Exsultet caelum*

In omnem terram*

Ecce ego mitto*

Vere felicem*

Iste confessor*

Gloriosa sanctissimi sollemnia Gregorii toto corde catholica suscipiat ecclesia cujus doctrina aurea per mundi splendet climata quam meritis et precibus Christo commendet quaesumus

Ad dominum vigiles cuncti convertite mentes Gregorium vigilem caeli qui vexit ad arcem

Iste confessor*

Gregorius ortus Romae ex senatorum sanguine fulsit mundo velut gemma auro superaddita dum praeclarior praeclaris hic accessit atavis

Lineam sui generis factis et dictis extulit bibens in pueritia quod ructuavit postea

Adhaerebat moralibus seniorum relatibus quos tenaci memoriae non cessabat committere

Amavit eum dominus*

Fulgebat in venerando duplex decus Gregorio senatoria dignitas secundum genus saeculi voluntaria paupertas Juxta praeceptum domini

Beatus vir qui timet dominum in mandatis ejus cupit nimis

Videns Romae vir beatus Anglorum forte pueros bene inquit bene angli vultu nitent ut angeli oportet illis monstrari iter salutis aeternae

Quoniam domini est regnum et ipse dominabitur gentium

Dum oraret in obscuro servus dei latibulo lux immensa super eum resplenduit post triduum hoc signo cunctis proditus papa urbis efficitur

Quia misericordiam et veritatem diligit deus gratiam et gloriam dabit dominus

Gloria patri et filio et spiritui sancto

Gregorius ut creditur divinitus sic dicitur qui sibi et ecclesiae vigilavit catholicae

Studiis liberalibus nulli secundus habitus praetor urbanus exstitit adolescens spectabilis

Hic ab adolescentia divina fretus gratia anhelare non desiit ad regnum vitae perpetis

Justum deduxit dominus*

Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini

Nec fecit proximo suo malum et opprobrium non accepit adversus proximos suos

Orante beatissimo ad dominum Gregorio Sanata est plebs romana a peste inguinaria

Multum enim valet deprecatio justi assidua

Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem

A domino factum est istud et est mirabile in oculis nostris

Gloria patri et filio et spiritui sancto

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Justus ut palma*

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gloria patri et filio et spiritui sancto

Ora pro nobis sancte Gregorio*

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae necnon syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago huic scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Jesu redemptor*

Justus germinabit*

Christi fidelis famulus prudens quoque Gregorius post quam suo in tempore vixit ejus familiae caelo reddidit animam terrae carnis materiam

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi Quo te gaudemus perfrui

Missus est Gabriel*

Ave Maria*

Ne timeas Maria*

Quomodo fiet*

Ecce ancilla*

Christi virgo*

Ave maris stella*

Diffusa est gratia*

Ingressus angelus ad Mariam ait ave gratia plena dominus tecum

Gaude dei genetrix virgo immaculata gaude quae gaudium ab angelo suscepisti gaude quae genuisti aeterni luminis claritatem gaude mater gaude sancta dei genitrix virgo immaculata tu sola mater intacta te laudat omnis factura genitricem lucis pro nobis quaesumus perpetua interventrix

Ave Maria gratia plena dominus tecum

Quem*

Missus est angelus Gabriel a deo in civitatem Nazareth ad virginem desponsatam viro cui nomen Joseph

Ingressus angelus ad Mariam ait ave gratia plena dominus tecum

Maria turbatur in sermone angeli et cogitabat qualis esset haec salutatio

Diffusa est gratia*

Ingressus angelus ad Mariam ait ave Maria gratia plena dominus tecum

Benedicta tu in mulieribus et benedictus fructus ventris tui

Benedicta tu in mulieribus et benedictus fructus ventris tui

Ave Maria gratia plena dominus tecum

Maria ut audivit turbata est in sermone angeli et cogitabat qualis esset ista salutatio

Quomodo fiet istud quoniam virum non cognosco

Respondens angelus dixit ad Mariam ne timeas Maria invenisti enim gratiam apud dominum

Ecce concipies et paries filium et vocabis nomen ejus Jesum hic erit magnus et filius altissimi vocabitur

Dabit illi deus sedem David patris ejus et regnabit in domo Jacob in aeternum et regni ejus non erit finis

Specie tua et pulchritudine*

Dixit angelus ad Mariam ne timeas Maria invenisti gratiam apud dominum

Ecce concipies et paries filium et vocabis nomen ejus Jesum

Ecce concipies et paries filium et vocabitur nomen ejus Jesus

Hic erit magnus et filius altissimi vocabitur et dabit illi dominus sedem David patris ejus

Dabit illi dominus deus sedem David patris ejus et regnabit in domo Jacob in aeternum

Et regni ejus non erit finis

Dixit autem Maria ad angelum quomodo fiet istud quia virum non cognosco et respondens angelus spiritus superveniet in te et virtus altissimi obumbrabit tibi

Ideoque et quod nascetur ex te sanctum vocabitur filius dei

Dixit autem Maria ad angelum ecce ancilla domini fiat mihi secundum verbum tuum

Adjuvabit eam deus*

Dixit autem Maria ad angelum ecce ancilla domini fiat mihi secundum verbum tuum

Spiritus sanctus superveniet in te et virtus altissimi obumbrabit tibi

Christi virgo dilectissima virtutum operatrix opem fer miseris subveni domina clamantibus ad te jugiter

Quoniam peccatorum mole premimur sanctissima deprecamur

Quomodo fiet istud respondens ait Maria quia virum non cognosco angelus ad haec spiritus sanctus superveniet in te et virtus altissimi obumbrabit tibi

Ideoque quod nascetur ex te sanctum vocabitur filius dei

Dignare me*

Quando venit ergo sacri plenitudo temporis missus est ab arce patris natus orbis conditor in terris

Non ex virili semine sed mystico spiramine verbum dei conceptum est alvusque virginis tumuit

Beatus auctor saeculi servile corpus induit ut carne carnem liberans ne perderet quos condidit

Gloria patri et filio et spiritui sancto

Clausa parentis viscera caelestis intrat gratia venter puellae baiulat secreta quae non noverat

Domus pudici pectoris templum repente fit dei intacta nesciens virum verbo concepit filium