Christum regem adoremus quem confessus Adalbertus triumphat cum martyribus alleluia

Beatus Adalbertus claris ortus natalibus piorum parentum filius virtute micuit clarius alleluia

Acceptis sacris infulis gerebat munia praesulis beatus Adalbertus gratia praeditus relucens doctrinis et exemplis alleluia

Annuntians in Sion nomen domini et laudem ejus in Jerusalem

O praedicanda Christi clementia in beato Adalberto presule cujus sacra infantia floruit religione plena quem divina providentia sibi elegit martyrem et ecclesiae suae dignum sacerdotem alleluia

Fit in puero oblatio sacrificium in praesule holocaustum in martyre

Alme praesul et beate dei martyr Adalberte confer opem petentibus sanctis precibus mala pelle bona posce praesta pacis incrementum sanctae vitae gaudium alleluia

Ut sub tuo protecti patrocinio gloriemur in laude dei perpetuo

Gloria patri et filio et spiritui sancto

Sanctus Adalbertus pastoris culmine fultus dum legis vitae gregis arcet de via pure nec repulit mores cathedrales spernit honores alleluia

Nomine pro Christi certamina multa subisti martyr Adalberte dum fit nova plantula per te alleluia

Pruthenas partes divinas instruis artes nescia gens veri te quaerit morte teneri alleluia alleluia

Dum solito more ferves caritatis amore in fidei cura perimit te lancea dura alleluia

Inde coronatus felici sorte beatus virgineos flores patrieque resumis honores alleluia alleluia

Benedic regem cunctorum conversa gens polonorum te splendor illuminavit quem oriens destinavit Adalbertus Christi verna tua extitit lucerna alleluia alleluia

Magnificat te domine tuo redempta sanguine christianae laetabundae plebis anima Adalberti votiva celebrans sollemnia cujus morte pretiosa devota promit gaudia ut per ejus suffragia tua imploret beneficia alleluia

Dies adest celebris ad lucem de tenebris consurge Polonia pretiosi martyris glebam fovens corporis laetare Cracovia Stanislai praesulis praeclara miraculis agens natalitia alleluia

Are dei*

Vita sanctorum*

O beate Stanislae praesul plebis Cracoviae cujus signa victoriae late patent Poloniae nam dono Christi gratiae pestes curantur variae tua martyr egregie festa colentes hodie regi commenda gloriae alleluia

Stanislai pro triumpho Christo demus gloriam qui martyri de tyranno contulit victoriam alleluia

Stanislaus vir beatus legem dei meditatus Boleslao scelerato restitit et in via peccatorum non stetit alleluia

Dum prophanum Boleslaus Stanislaus arguit et mucrone spiritali feriendum censuit rex impius contra pium cum suis infremuit alleluia

Stanislai dominus caput exaltavit vocem ejus sanguinis ultor exaudivit peccatorum fremitum et dentes contrivit alleluia

Celebret Polonia festina sollemnia veneretur inclyta passionis merita sancti Stanislai alleluia

Quem occidit impia dei pro justitia manus Boleslai

Are dei dum astaret et divina celebraret Stanislaus pontifex vigiilandum lacerandum Boleslaus mittit manus truculentus carnifex alleluia

Ter procedit ter recedit ter invadit terque cadit missus necis artifex

Gloria patri et filio et spiritui sancto

Pastor cadit in gregis medio dormit sponsus in sponsae gremio mater plorans gaudet in filio quia vivit victor sub gladio alleluia

Cleri plebisque contio in patris natalitio jubilet cum tripudio pro tanto beneficio

Gloria patri et filio et spiritui sancto*

Stanislaus in agmine martyrum vernans sanguine munit scuto passionis castra veri Salomonis coronatus martyrio regnat in caeli solio alleluia

De concive caelum gaude de patuo terra plaude Stanislaus dignus laude cum sanctis laetatur angelis aequatur alleluia

Novis signis dominus sanctum decoravit dum custodes aquilas sibi deputavit et in nocte corporis partes illustravit alleluia

Ad festa patris inclita populi concurrunt per cujus clara merita mortui resurgunt caeci claudi morbidi aegri sani surgunt et ad Christi gloriam laudibus assurgunt alleluia

Veri solis radius medicus caelestis meritorum martyris auctor est et testis in splendore corporis castitatem signans quod integrum reddidit amorem designans alleluia

Martyr dei Stanislaus gloriosus pontifex quem occidit Boleslaus truculentus carnifex pastor bonus et patronus assit nobis opifex sit virtutum artifex alleluia

Pastor cadit*

Vir inclite Stanislae vita signis passione plebem tuam pastor bone fove benedictione guberna protectione salva sancta intercessione alleluia

Exsurgens autem Maria abiit in montana cum festinatione in civitatem Juda et introivit in domum Zachariae et salutavit Elizabeth alleluia

Et factum est ut audivit Elizabeth salutationem Mariae exsultavit infans in utero ejus et repleta est spiritu sancto alleluia

Exclamavit Elisabeth voce magna et dixit benedicta tu in mulieribus et benedictus fructus ventris tui alleluia

Et unde mihi hoc ut veniat mater domini ad me ecce enim ut facta est vox salutationis tuae in auribus meis exsultavit in gaudio infans in utero meo alleluia

Et beata quae credidisti quoniam perficientur in te quae dicta sunt tibi alleluia

Magnificat anima mea dominum et exsultavit spiritus meus in deo salutari meo quia respexit humilitatem ancillae suae alleluia

Ecce enim ex hoc beatam me dicent omnes generationes

Gloria patri et filio et spiritui sancto

Assunt festa jubilaea*

Fecit mihi magna dominus*

O quanta vis amoris illibate tunc mentem accenderat virginis ut in spiritu sancto rapta jubilaret magnificat anima mea dominum alleluia alleluia

Et factum est in die octavo venerunt pater et mater et cognati ejus ad circumcisionem pueri et vocabant eum nomine patris sui Zachariam et dixit mater ejus nequaquam sed vocabitur Joannes

O Christi mater fulgida*

Gaude Maria mater Christi quae singulari privilegio meruisti portate Christum dominum lumen ad revelationem gentium alleluia

In honore Mariae virginis Elizabeth visitationis adoremus dominum alleluia

O quam gloriosam et admirabilem in universa terra fecit deus ancillam humilem

Caeli stupent in Maria cui tot singularia sunt collata donaria alleluia

Ferax est terra domini venter sacratae virginis qui thesaurum fert hominis nostrae parem imaginem alleluia

Speciosa*

Surge propera amica mea formosa mea et veni jam enim hiems transiit imber abiit et recessit alleluia

Audi filia et vide et inclina aurem tuam

En dilectus meus loquitur mihi intra praecordia mea dat vocem suam alleluia

Quam dulcia faucibus meis eloquia tua domine super mel ori meo

Ibo ad montem myrrhae festinanter et videbo verbum hoc quod factum est in auribus meis ab angelo salutante alleluia

Viam mandatorum tuorum cucurri juxta verbum tuum

Gloria patri et filio et spiritui sancto

Verbum bonum virgo paris manens expers omnis maris fecundaris pneumatae alleluia

Torrens sacrati fluminis urbem dei laetificat dum Maria vi numinis ore deum magnificat alleluia

O dilecta civitas dei rei poscimus qui te noscimus ora pro nobis deum alleluia

Dignare me*

Ecce iste venit saliens in montibus transiliens colles similis est dilectus meus hinnulo caprae aeque cervorum alleluia

Exsultavit ut gigas ad currendam viam a summo caelo egressio ejus

Felices matres sed nati feliciores et quae gesserae felicia facta fuerae alleluia

Felix domus felix familia quibus sunt visa tot mirabilia

O praeclara stella maris virgo mater singularis quae cognatam visitasto Joannem illuminasti prole praeclarissima te praecamur in hoc festo sis solamen omni mesto fuga mortem confer sortem no...

... quotiens premimur miseriis in te nobis fidelis patet recursus

Solaris dum volvitur orbita votiva recurrunt festa in quibus et domini recitantur magnalia et Hedwigis retractantur merita

Hodiernae sollemnitatis gaudia que anni reduxit orbita pia recolamus devocionae beatae Hedvigis utentes famulaminae

Magnificet dominum totum genus fidelium

Domine nonne bonum semen seminasti in agro tuo unde igitur habet zizania ille vero dixit illis inimicus homo hoc fecit

Visionem quam vidistis nemini dixeritis donec filius hominis a mortuis victoriosus resurgat

Christum regem regum hodie transfiguratum venite adoremus dominum

???*

Accedentes discipuli ad dominum Jesum patris vocem audientes ceciderunt in facies suas

Inter duos vates tresque discipulos apparuit Jesus Christus dominus ut in ore duorum vel trium testum staret omne verbum

Quam discipuli vocem audierunt audientes valde timuerunt timentes in faciem ceciderunt

Caeli aperti sunt*

Assumptis hodie dominus Jesus tribus discipulis montem ut oraret subiit excelsum solusque orans coram eis transfiguratus est facies ejus ut sol resplenduit et vestimenta ejus ut nix facta sunt candida

Ut autem testimonium haberet ex lege et prophetis hinc inde cum eo Moyses et Elias visi sunt in majestate

Coram tribus discipulis transfiguratus dominus Moyses et Elias huic inde secum loquentibus ostendit se in majestate

Ut in ore duorum vel trium testium staret omne verbum

Assumens Jesus Petrum et Jacobum et Joannem fratrem ejus in montem excelsum cum eis seorsum ascendit ibi se transfigurans suam majestatem eis ostendit

Ne videntes ejus passionem turbarentur sed fortiori soliditate firmarentur

Gloria patri et filio et spiritui sancto

Caeli aperti sunt super eum et vox patris audita est hic est filius meus dilectus hunc audite

Vox de caelis sonuit et vox patris audita est hic est filius meus dilectus in quo mihi complacui ipsum audite

Domine bonum est nos hic esse si vis faciamus hic tria tabernacula tibi unum Moysi unum et Eliae unum

Benedicat nos deus deus noster*

Claruit magnitudo dei et virtus altissimi apparuit discipulis quoniam sic voluit transfigurari dominus excessus ut in ipsa claritate descenderet majestatem

Assumpsit Jesus tres discipulos suos in montem et facta est coram eis facies ejus sicut sol vestimenta ejus sicut nix