Verbum caro factum est et habitavit in nobis et vidimus gloriam ejus gloriam quasi unigeniti a patre plenum gratiae et veritatis alleluia alleluia alleluia

Pastores dicite quidnam vidistis et annuntiate Christi nativitatem infantem vidimus pannis involutum et choros angelorum laudantes salvatorem

Nato domino angelorum chorus canebat dicens salus deo nostro sedenti super thronum et agno

Natus est nobis hodie salvator qui est Christus dominus in civitate David

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo plena

Virgo hodie fidelis etsi verbum genuit incarnatum virgo mansit et post partum quam laudantes omnes dicimus benedicta tu in mulieribus

Ecce advenit dominator deus et regnum in manu ejus et potestas et imperium in aeternum alleluia

Ecce jam venit plenitudo temporis in quo misit deus filium suum in terra

Beatus venter qui te portavit Christe et beata ubera quae te lactaverunt dominum et salvatorem mundi alleluia

Virgo dei genetrix quem totus non capit orbis in tua se clausit viscera factus homo vera fides geniti purgavit crimina mundi et tibi virginitas inviolata manet

Virgo verbo concepit virgo permansit virgo peperit regem omnium regum