Emitte agnum domine dominatorem terrae de petra deserti ad montem filiae Sion
Ostende nobis domine misericordiam tuam et salutare tuum da nobis
Germinaverunt campi eremi germen odoris Israel quia ecce deus noster cum virtute veniet et splendor ejus cum eo
Ex Sion species decoris ejus deus noster manifeste veniet
Paratus esto Israel in occursum domini quoniam veniet firmans montes et creans spiritus et annuntians in hominibus Christum esse venturum
Ecce dominator dominus cum virtute veniet
De Sion veniet qui regnaturus est dominus Emmanuel magnum nomen ejus
De Sion exibit lex et verbum domini de Jerusalem
Vigilate animo in proximo est dominus deus noster
Exspectetur sicut pluvia eloquium meum et descendat super nos sicut ros deus vester
Magnificatus est rex pacificus super omnes reges universae terrae
Omnis vallis implebitur et omnis mons et collis humiliabitur et videbit omnis caro salutare dei