Ave sancte pater et pontifex Maximine ave angelicis revelationibus Treversis pastor et patronus praelatus ora pro populo tibi devoto pacis et gaudiis sempiterna dona poscendo alleluia

Regem regum Christum vigilanter adoremus qui sanctum fecit conscendere caelum Maximinum

Clarissimis ortus natalibus sacer Maximinum ex territorio Pictavi extitit oriundus alleluia

Divino quippe ac felici auspicio progenitus catholico more a parentibus est nobiliter alitus alleluia

Traditur denique edocendus litterarum studiis futurus defensor christiani nominis alleluia

Amavit*

Hic Maximinus presul egregius clara fuit lampade exortus atque ab ipsis infantiae cunalibus solertia litterari est imbutus

Clarissimis ortus natalibus sacer Maximinus ex territorio Pictavi extitit oriundus

Praeclarus igitur Maximinus Treverim veniens nutu fultus divino carsa religionis sancto se commisit agritio

Maximinus igitur divino instinctu genitale solum relinquens atque in belgicam Galliam commigrans

Susceptus a presule beatissimo more instruitur ecclesiastico a quo non post multum temporis spatium clericatus honore donatus est alleluia

Ad notitiam tanti viri deductus et ecclesiasticis moribus diligenter assuefactus

Instructus namque religionis perfectione satagebat per mundana spernere Christoque vivere

Tactus quoque divino instinctu nativum linquens solium in belgicam Galliam commigravit

Adauctus urbem Triverim coeptum itiner fixit a magisterio Agritii presulis se submisit alleluia

Justum deduxit*

Gloria suae magnificentiae volens dominus in beatissimo viro propalare Agritium monet per angelum presulem ut sibi eum instituat successorem alleluia

Quoniam beatum Maximinum divinitatis consilium populo suo praeficiendum decreverat

Quidem vir nomine Quiricus mira sanctitate praeditus in oratorio sancti excubans Eucharii angelica exortatur voce quo certum redderet Maximinum in sede pontificali post beatum Agritium fore subrogandum

Hanc ipse percipiens visionem fideliter omnibus nuntiavit

Gloriosissimo confessori Maximino tanta virtus contulit divina ut suis sanctissimis interventionibus omnem fugaret infirmitatem ab insanis corporibus

Inter innumera virtutum insignia quibus chorusco splendebat jubare fideli suo dominus tale concessit meritum

Comperta relatione hujus viri beatus Maximinus tali honore se indignum fatebatur

Omnibus ut patefieret dignum fore tantum honore episcopo sancto revelatio signat ut sibi eum denotet successorem

Consensu igitur totius plebis ac vicinis episcopis pontificali excellentia sublimatur alleluia

Justus ut palma*

Presul insignis Maximinus claris pollens virtutibus numqua ab officio cessabat praedicationis quo sibi plebs commissa salubriter erudiretur

Fidelis namque et prudens in magni patris familias domo dispensator constitutus cura pervigili sollicitus erat

Gloriosi praemium laboris dum a domino Christo presul Maximinus sibi praesciret recompensandum cordi fuit propriam visere patriam qua carne exemptus transfusus est gloriam palma donatus aeterna

Maximinus presul angelico coetu susceptos sidereos caelos penetravit

Inclytus pontifex Maximinus Martini collega hospes Athanasii nam alteri miraculo alteri fide compar qui caelitus ex nomine Treverim subrogatur quam ut presulatu insignis sic jam caeli consul jugiter hanc gubernat

Succiduos gradus faciat sibi consortes canonicorum gregem ac plebs cohortem urbem ut peculiarem tueatur

Sanctus pater Maximinus divina virtute praecinctus exurgentes hereticorum fructus potenter compressit quo domus regis aeterni sibi commissa permaneat in longitudine dierum alleluia

Sciens ergo quoniam dominus Jesus ipse est deus Eufraten episcopum huic sacrae fidei rebellem gradu movit atque ab ovium Christi pascua segregavit alleluia

Constantissimum fidei Athanasium propugnatorem os arrianae perfidiae obstruentem ex sede propria depulsum honorifice susceptit intrepidus alleluia

Benedictus es domine de cujus dono sanctus Maximinus ursi immani rabiem servituti propriae subegit allleuia

Inclytus pontifex Maximinus propinquorum patriam recusit cujus ibi spiritus carne solutus angelorum gloriae conjunctus sempiternae te deum laudat semper in caelis alleluia

Pretiosum beati Maximini corporis thesaurum clerus populusque Trevericus angelicis judiciis et amminiculis ab Aquitania revexit quem divinis in via clarificatum miraculis insignis presul Paulinus mafnifice sepelivit cujus meritis tuae Christe gratiae petimus commendari alleluia

Pater sancte presul Christi egregie Maximine dum in caelis gaudes cum angelis nostri devotarum ovium sis memor in terris orans tuum quem imitatus es Christum ut nos te pastore ducat ad aeterna pascua cujus hic celebravimus temporalia festa alleluia