Gratulemur in honore Catharinae virginis quae divino plena rore non curans propaginis toto mentis in ardore sprevit culpam criminis

Opes mentis praeelegit quibus totam se subegit sub carnis victoria nexus mundi fortis fregit nec cum mundo mundi carens gloria

Virgo prudens anelavit ad sedem sydeream ubi locum praeparavit linquens orbis aream granum sibi reservavit ventilando paleam

Disciplinis est imbuta puella caelestibus nuda nudum est secuta certis Christum passibus dum mundanis est exuta vacuis honoribus

Virgo deo decorata fidei signaculo et in monte collocata divino miraculo nos expellas vita grata mortis ab umbraculo ut in summi sit purgata regis habitaculo

Pange lingua gloriosae virginis praeconium gemmae jubar pretiosae descendat in medium ut illustret tenebrosae mentis domicilium

Quam tua distribuis occulte dona redemptor principe caecato lucem sua suscipit uxor sauciare reginae grassatur ad ubera tortor

Hic regem spoliavit sic sancta virago triumphat

Gloria patri et filio et spiritui sancto

Ora pro nobis sancta Catherina

Decoretur dies ista devotis obsequiis sic vox sonet ut mons clamet internis preconiis dum beatae Catherinae detenti sollemniis promoveri flagitemus ejus patrociniis

Regi summo vigilemus in triumphis virginum quem in choro coronata beatorum agminum laudat virgo Catherina dominorum dominum

Generosi Catherina stirpe ducta sanguinis sic regalis est sortita seriem propaginis ut in illa memor esset caelesti originis

Illa nihil amplexata de paternis opibus disciplinis est imbuta primo saecularibus tuis Christe meditata tandem in sermonibus

Dum prophanis immolaret idolis Maxentius ad conspectum audacius diligenter explanavit quid esset salubrius

Specie tua et pulchritudine tua

Adjuvabit eam deus*

Dum dominante manu premeret Maxentius orbem urbs ab Alexandri quae sumit nomine nomen martyrii didicit Catherinae sanguine formam

Urbs provecta suae meritis et dogmate civis

Haec verae fidei sanis edocta magistris audet Caesareae sactam subvertere legis cum metus omne genu curvaret ad idola regis

Nec vitium proprie virgo sapit unica gentis

Rex decies qui nos jubet adventare sophistas discutitur verum docte Catherina perorat illi martyrii pariter sumpsere coronas

Sic infirma deus recipis sic fortia frangis

Non est inquit rationis plures deos colere nec in turbam deitatem simplicem distraere sive cultum creatoris creatis impendere

Ad conflictum provocari quinquaginta rethores a puella superati facti sunt indecores mox a deo decorantur deorum immemores

Virgo fame tenuata victu sacro pascitur rotis quoque destinata caelitus eripitur et adversus saevientes ubique consulitur

Adjuvabit*

Diffusa est gratia*

Ergo bissenis virgo maceranda diebus carceris horrori committitur in diga victus caelitus adveniens reficit jejunia pastus

Disponit clausae panis bona prandia vivus

Virginis exitio fit machina saeva rotarum angelico pulsu petit ingens turba virorum sic non imminuit corpus mala fabrica sanctum

Ut quondam pueris fornax caldea pepercit

Quam tua*

Regis uxor acquiescit puellae consilio fide plena mortem subiit sequente porfirio regna terrae per caelesti conculcant palatio

Tandem cursu consummato Christo virgo redditur et lictori mancipata ferr- cervix patitur lac pudoris argumentum pro cruore funditur

Angelorum dei nutu sacer chorus adfuit et minister sepulturae Sina montem tenuit iugi lapsu de sepulcro liquor pacis effluit

Rex graviter passus molimina vana perire virgineam litem statuit praecidere morte fortiter abiecta felix cadit hostia carne

Emeritae bravio minime fraudata coronae

Candida cum saevo cervix percumberet ictu disponente Deo patuit res digna relatu lacte sacro --- nituit pro sanguinis haustu

Candorem mentis signat perfusio lactis

Dum bene syderea feretur spiritus arce glorificat carnem memorando Christus honore sistitur in Sinai sancto dignissima monte

Cujus tumba sacrum fluxu largitur oleum

Gloria patri et filio et spiritui sancto

Plebs fidelis hoc sollemne devote suscipiat et in laudes Catherinae virginis proficiat quae nos summae majestati benigne conciliat

Dum offerret suae carnis virgo sacrificium manus mundas ad caeleste pandens sanctuarium preces fudit interpellans pro salute gentium

Hanc ancillam tua Christe praevenito gratia ut te deum invocantes cum ejus memoria in adversis liberatrix visitet potentia

Vox de caelis in turbarum est audita medio qua benigne confirmatur indulta petitio ergo votis insistamus jam certi de premio

Dum in sancta Catherina Jesu Christe coleris memor esto verbi tui memor esto muneris quod oranti cintulisti spe humani generis

Praesens dies expendatur in ejus obsequium cujus virtus dilatatur in ore laudantium ut gestorum teneatur finis et initium

Ora pro nobis sancta Catherina R. Ut digni efficiamur promissione Christi

Benedicta sit immensa sempiterna trinitas quam cognovit inter gentes Catherina perditas quod nec sexus nec aetatis fragilitas sed honore passionis est -- virginitas

Plebs fidelis*

Pange lingua*

Dum bene*

Cujus tumba*

Ora pro nobis*

Veneranda Catherina probatique meriti cleri tui recordare populique subditi ut qui lege peccatorum tenemur positi te juvante solidemur virtute paracliti