Virginis proles*

Specie tua et pulchritudine*

In tua patientia possedisti animam tuam Lucia sponsa Christi odisti quae in mundo sunt et coruscas cum angelis sanguine proprio inimicum subisti

Venite adoremus regem virginum

Ante torum*

Specie tua*

Lucia virgo quid a me petis quod ipsa poteris praestare continuo nam et matri tuae fides tua subveniet et ecce salva est quia jucundum deo in tua virginitate habitaculum praeparasti

Sicut per me civitas Catinensium sublimatur a Christo ita per te civitas Syracusana decorabitur

Rogavi dominum meum Jesum Christum ut ignis iste non dominetur mei et impetravi a domino inducias martyrii mei

Ut credentibus timorem auferrem passionis et non credentibus vocem insultationis auferrem

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Erecta namque in virtutis culmine tormenta derisit

Orante sancta Lucia apparuit ei beata Agatha consolabatur ancillam Christi

Lucia virgo quid a me petis quod ipsa poteris praestare continuo matri tuae

Soror mea Lucia virgo deo devota quid a me petis quod ipsa poteris praestare continuo matri tuae

Benedico te pater domini mei Jesu Christi quia per filium tuum ignis extinctus est a latere meo

Per te Lucia virgo civitas Syracusana decorabitur a domino Jesu Christo

Jesu corona*

Adjuvabit*

Columna es immobilis Lucia sponsa Christi quia omnis plebs te exspectat ut accipias coronam regni alleluia