Concede nobis domine quaesumus veniam delitorum et intercedentibus sanctis quorum hodie sollemnia celebramus talem nobis tribue devotionem ut ad eorum pervenire mereamur societatem

Adjuvent nos eorum merita quos propria impediunt scelera excuset intercessio accusat quos actio et qui eis tribuisti caelestis palmam triumphi nobis veniam non deneges peccati

Sanctorum meritis*

Justorum animae*

Innocentes pro Christo infantes occisi sunt ab iniquo rege lactantes interfecti sunt ipsum sequuntur agnum sine macula et dicunt semper gloria tibi domine

Adoremus salvatoris venerantes gratiam qui perennem sanctis Innocentibus largitus est coronam

Herodes videns quia illusus esset a magis misit in Bethleem et occidit omnes pueros qui erant in ea et in omnibus finibus ejus

Christus infans non despexit suos coaetaneos milites sed provexit quibus dedit ante triumphare quam loqui

Arridebat parvulus occisori gladio adjocabatur infantulus nutricis locum attendebat lactens percussoris horrorem

Justorum animae*

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub altare dei animas interfectorum propter verbum dei et propter testimonium quod habebant et clamabant voce magna dicentes

Sub throno dei omnes sancti clamant vindica sanguinem nostrum deus noster

Vidi sub altare dei animas sanctorum propter verbum dei quod habebant et clara voce dicebant

Adoraverunt viventem in saecula saeculorum mittentes coronas suas ante thronum domini dei sui

Et ceciderunt in conspectu throni in facies suas et benedixerunt viventem in saecula

Norunt infantes laudare deum qui loqui non noverant fiunt periti laude qui fuerant imperiti sermone

Erigitur itaque infantium aetas in laude quae delictorum non noverat crimen

Dignus a dignis laudatur et innocens Innocentium testimonio comprobatur

Exsultent justi*

Effuderunt sanguinem sanctorum velut aquam in circuitu Jerusalem et non erat qui sepeliret

Posuerunt mortalia servorum tuorum domine escas volatilibus caeli carnes sanctorum bestiis terrae

Isti sunt sancti qui passi sunt propter te domine vindica eos quia clamant ad te cottidie

Vindica domine sanguinem sanctorum tuorum qui effusus est

Ambulabunt mecum in albis quoniam digni sunt et non delebo nomina eorum de libro vitae

Hi sunt qui cum mulieribus non sunt coinquinati virgines enim sunt

Licuit sanguine loqui quibus lingua non licuit miscent cum domino colloquia quibus humana negata sunt verba

Clamant clamant clamant ad dominum Innocentes resonat luctus multis matribus in excelsis gaudet ecclesia super martyres in aeternum

Audivi voces occisorum sub altare dei voce clara dicentium quare domine non defendis sanguinem nostrum deus noster

Sancti tui domine*

Isti sunt sancti qui non inquinaverunt vestimenta sua ambulabunt mecum in albis quia digni sunt

Hi sunt qui cum mulieribus non sunt coinquinati virgines enim sunt

Cantabant sancti canticum novum ante sedem dei et agni et resonabat terra in voces illorum

Sub throno dei omnes sancti clamant vindica sanguinem nostrum deus noster

Centum quadraginta quattuor milia qui empti sunt de terra hi sunt qui cum mulieribus non sunt coinquinati virgines enim permanserunt ideo regnant cum deo et agnus dei cum illis

Hi empti sunt ex hominibus primitiae deo et agno et in ore ipsorum non est inventum mendacium

Justorum animae*

Herodes iratus occidit multos pueros in Bethleem Judae civitate David

A bimatu et infra occidit multos pueros Herodes propter dominum

Vox in Rama audita est ploratus et ululatus Rachel plorans filios suos

Sub throno dei omnes sancti clamant vindica sanguinem nostrum deus noster

Splendet Bethleemiticus campus de candidata turba infantium pretiosa corpora pro Christo caesa jacent sub Herode

Rex gloriose*

Laetamini*

Hi sunt qui cum mulieribus non sunt coinquinati virgines enim sunt et sequuntur agnum quocumque ierit

Herodes*

A bimatu*

Justorum animae*

Vox in Rama*

Exsultent*

Sancti tui*

Sanctorum meritis*

Ecce vidi agnum stantem supra montem Sion et cum eo sanctorum milia et habebant nomen ejus et nomen patris ejus scriptum in frontibus suis