Veritas de terra orta est et justitia de caelo prospexit

Ipse invocavit me*

Quem vidistis pastores dicite annuntiate nobis in terris quis apparuit natum vidimus et choros angelorum collaudantes dominum

Dicite quidnam vidistis et annuntiate Christi nativitatem

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duum animalium

Beata dei genetrix Maria cujus viscera intacta permanent hodie genuit salvatorem saeculi

Beata quae credidit quoniam perfecta sunt omnia quae dicta sunt ei a domino

Ipse invocavit me alleluia pater meus es tu alleluia

Laetentur caeli et exsultet terra ante faciem domini quoniam venit

Notum fecit dominus alleluia salutare suum alleluia

Notum fecit dominus*

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Beata viscera Mariae virginis quae portaverunt aeterni patris filium et beata ubera quae te lactaverunt Christum dominum quia hodie pro salute mundi de virgine nasci dignatus est

Dies sanctificatus illuxit nobis venite gentes et adorate dominum