Nox praecessit dies autem appropinquavit abiciamus ergo opera tenebrarum et induamur arma lucis sicut in die honeste ambulemus

Ex Sion species decoris ejus R. Deus noster manifeste veniet

Aspiciens a longe ecce video dei potentiam venientem et nebulam totam terram tegentem ite obviam ei et dicite nuntia nobis si tu es ipse qui regnaturus es in populo Israel

Quique terrigenae et filii hominum simul in unum dives et pauper

Qui regis Israel intende qui deducis velut ovem Joseph

Excita domine potentiam tuam et veni ut salvos nos facias

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populus tribus et linguae servient ei

Potestas ejus potestas aeterna quae non auferetur et regnum ejus quod non corrumpetur