Diligam te domine virtus mea dominus firmamentum meum et refugium meum

Laudans invocabo dominum et ab inimicis meis salvus ero

Sponsus ut e thalamo processit Christus in orbem descendens caelo jure salutifero

Auxilium nobis salvator mitte salutis et tribuas vitam tempore perpetuo

Rex sine fine manens miseris tu parce ruinis praemia concedens et tua cuncta regens

Exaltare domine in virtute tua

Domini est terra et plenitudo ejus orbis terrarum et universi qui habitant in eo

Ipse super maria fundavit eum et super flumina praeparavit eum

Ad te domine levavi animam meam deus meus in te confido non erubescam

Neque irrideant me inimici mei etenim universi qui sustinent te non confundentur