Super aspidem et basiliscum ambulabis et conculcabis leonem et draconem

Cum jejunasset dominus quadraginta diebus et quadraginta noctibus accessit ad eum tentator dicens si filius dei es dic ut lapides isti panes fiant respondens Jesus ait non in solo pane vivit homo sed in omni verbo quod procedit de ore dei

Accesserunt angeli et ministrabant domino dicenti et confirmanti

Scuto circumdabit te veritas ejus

Cor mundum crea in me deus spiritum rectum innova in visceribus meis

O domine salvum me fac o domine bene prosperare

Sic benedicam te in vita mea domine et in nomine tuo levabo manus meas

In spiritu humilitatis et in animo contrito suscipiamur domine a te et sic fiat sacrificium nostrum ut a te suscipiatur hodie et placeat tibi domine deus

Laudate deum caeli caelorum et aquae omnes

O Nazarene dux Bethleem verbum patris quem partus alvi virginalis protulit adesto castis Christe parsimoniis festumque nostrum rex serenus aspice jejuniorum dum litamus victimam