Cum vero pervenisset ad locum ubi crux parata erat videns eam a longe exclamavit voce magna dicens

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Securus et gaudens venio ad te ita ut et tu exsultans suscipias me

Omnis interea populus cum clamore venit virum sanctum pudicum ornatum moribus bonum doctorem pium modestum rationabliem non debere hoc pati sed debete de cruce deponi

Tunc sanctus Andreas ait jam regem meum video jam adoro jam in ejus conspectu consisto

Videntibus cunctis splendor nimius sicut fulgur de caelo veniens circumdedit eum fere unius ore spatio et abscedente lumine emisit spiritum

Annuntiaverunt opera dei

Salve crux quae in corpore Christi dedicata es et ex membris ejus tamquam margaritis ornata suscipe discipulum ejus qui pependit in te