Stephanus autem plenus gratia et fortitudine faciebat prodigia magna et signa magna in populo

Surrexerunt quidam de synagoga disputantes cum Stephano et non poterant resistere sapientiae et spiritui qui loquebatur

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Plenus gratia et fortitudine faciebat prodigia et signa magna in populo

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Et testes deposuerunt vestimenta sua secus pedes adolescentis qui vocabatur Saulus et lapidabant eum

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus et scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Stephanus vidit caelos