Sepelierunt Stephanum viri timorati

Ecce jam coram te protomartyr Stephane suppliciter assistentes te devote precamur ut qui pro te lapidantibus Christum deprecatus es pro nobis apud ipsum intercedere digneris

Caritatis gratia repletus pro persecutoribus orans filium hominis ad dexteram patris stantem videre meruisti ideoque precamur

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo funde preces pro devoto tibi nunc collegio

Ut tuo propitiatus interventu dominus nos purgatos a peccatis jungat caeli civibus

Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus