Zoe uxor Nicostrati dixit beato Sebastiano beatus es tu et benedictus sermo oris tui per Jesum Christum dominum nostrum

Benedicti qui in omnibus quae locutus es credunt

Egregie dei martyr Sebastiane princeps ac propagator sanctissimorum praeceptorum ecce nomen tuum in libro vitae caelestis adscriptum est et memoriale tuum non derelinquetur in saecula

Socius enim factus es supernarum virtutum quae et in caelis spiritum tuum susceperunt

Polycarpus presbyter dixit beato Sebastiano beati estis qui audistis vocem domini Jesu Christi

Nolite timere non separabuntur a vobis sed vadunt in caelum parare vobis sidereas mansiones

Multitudo languentium veniebant ad eum et sanabantur omnes alleluia

Sancti tui domine

Elegit dominus virum de plebe et claritatem visionis aeternae dedit illi celebremus sollemnitatem Sebastiani martyris gaudium sit in caelo et in terra pax in hominibus bonae voluntatis

Beatus es et bene tibi erit egregie dei martyr Sebastiane