Annulo fidei suae subarrhavit me et immensis monilibus ornavit me

Mel et lac ex ejus ore suscepi et sanguis ejus ornavit genas meas

Ostendit mihi thesauros incomparabiles quos mihi se donaturum repromisit

Ipsi soli servo fidem ipsi me tota devotione committo

Cujus pulchritudinem sol et luna mirantur ipsi soli servo fidem

Christus circumdedit me vernantibus atque coruscantibus gemmis pretiosis

Adjuvabit eam*

Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit

Induit me dominus cyclade auro texta et immensis monilibus ornavit me

Ipsi sum desponsata cui angeli serviunt cujus pulchritudinem sol et luna mirantur ipsi soli servo fidem ipsi me tota devotione committo

Dexteram meam et collum meum cinxit lapidibus pretiosis tradidit auribus meis inaestimabiles margaritas