Cottidie apud vos eram in templo docens et non me tenuistis et ecce flagellatum ducitis ad crucifigendum

Miserere*

Media vita*

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Exsurge domine judica causam meam

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Vigilate et orate dicit dominus ut non intretis in tentationem

Tristis est anima mea usque ad mortem sustinete hic et vigilate mecum nunc videbitis turbam quae circumdat me vos fugam capietis et ego vadam immolari pro vobis

Ecce appropinquabit hora et filius hominis tradetur in manus peccatorum

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse tulit et infirmitates nostras ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Deus meus eripe me de manu peccatoris

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in pane ejus et conteramus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabimini mori pro me vel Judam non videtis quomodo non dormit sed festinat tradere me Judaeis

Qui dormitis surgite et orate ut non intretis in tentationem

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Homo pacis meae in quo sperabam

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Collegerunt ergo pontifices et pharisaei consilium

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

In diem perditionis servabitur et ad diem ultionis ducetur

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quam in pectore non habebas

Corpore tantum cum cenantibus recumbebas et mentem invidiae furore armabas

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exaltatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

Kyrie eleison Christe eleison kyrie eleison

Qui passurus advenisti propter nos

Christus dominus factus est oboediens usque ad mortem

Qui expansis in cruce manibus traxisti omnia ad te saecula

Vita in ligno moritur infernus autem expoliatur

Mortem autem crucis

In monte Oliveti*

Exsurge domine*

Tristis est*

Exsurge domine et judica*

Ecce vidimus*

Deus eripe me de manu peccatoris

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit dedit discipulis suis

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Inter iniquos projecerunt me et non pepercerunt animae meae

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Saepivi te et lapides elegi ex te et aedificavi turrim in medio tui

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Cumque injecissent manus in Jesum et tenuissent eum dixit ad eos

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui

Animam meam dilectam tradidi in manus iniquorum et facta est mihi hereditas mea sicut leo in silva dedit contra me vocem adversarius dicens congregamini et properate ad devorandum illum posuerunt me in desertum solitudinis et luxit super me omnis terra quia non est inventus qui me agnosceret et faceret bene

Insurrexerunt in me absque misericordia et non pepercerunt animae meae

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Alieni insurrexerunt in me et fortes quaesierunt animam meam

Caligaverunt oculi mei a fletu meo quia elongabitur a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Dederunt in esca mea fel

Jesum tradidit impius summis principibus sacerdotum et senioribus populi Petrus autem sequebatur a longe ut viderent finem

Adduxerunt autem eum ad Caipham principem sacerdotum ubi scribae et pharisaei convenerant

Tenebrae factae sunt dum crucifixisset Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua

Cum ergo accepisset acetum dixit consummatum est

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Petrae scissae sunt et monumenta aperta sunt et multa corpora sanctorum qui dormierunt surrexerunt

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor ero

Memento mei domine deus dum veneris in regnum tuum

Posuerunt super caput ejus causam ipsius scriptam Jesus Nazarenus rex Judaeorum

Kyrie eleison Christe eleison*

Qui prophetice prompsisti ero mors tua o mors

Agno miti basia cui lupus dedit venenosa

Te qui vinciri voluisti nosque a mortis vinculi eripuisti

Mortem autem crucis

Omnes amici mei*

Vinea*