Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos

Post partum virgo inviolata permansisti dei genitrix intercede pro nobis

Adjuvabit eam deus vultu suo R. Deus in medio ejus non commovebitur

Gaude Maria virgo cunctas haereses sola interemisti quae Gabrielis archangeli dictis credidisti dum virgo deum et hominem genuisti et post partum virgo inviolata permansisti

Gabrielem archangelum credimus divinitus te esse affatum uterum tuum de spiritu sancto credimus impraegnatum erubescat Judaeus infelix qui dicit Christum ex Joseph semine esse natum

Ad nutum domini nostrum ditantis honorem sicut spina rosam genuit Judaea Mariam

Ut vitium virtus operiret gratia culpam

Christi virgo dilectissima virtutum operatrix opem fer miseris subveni domina clamantibus ad te jugiter

Quoniam peccatorum mole premimur et non est qui adjuvet

Gloria patri et filio et spiritui sancto

Ora pro nobis sancta dei genetrix R. Ut digni efficiamur promissione Christi

O admirabile commercium creator generis humani animatum corpus sumens de virgine nasci dignatus est et procedens homo sine semine largitus est nobis suam deitatem

O gloriosa domina excelsa supra sidera qui te creavit provide lactasti sacro ubere

Elegit eam deus et praeelegit eam R. In habitatione sibi

O gloriosa genitrix virgo semper Maria quae dominum omnium meruisti portare et regem angelorum sola virgo lactare nostri quaeso pia memorare et pro nobis Christum deprecare ut tuis fulti patrociniis ad caelestia regna mereamur pervenire

Salvator mundi salva nos omnes sancta dei genitrix virgo semper Maria ora pro nobis precibus quoque sanctorum apostolorum martyrum et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur

Da pacem domine in diebus nostris quia non est alius qui pugnet pro nobis nisi tu deus noster

Rex Christe clementissime tu corda nostra posside ut tibi laudes debitas reddamus omni tempore

O admirabile commercium creator generis humani animatum corpus sumens de virgine nasci dignatus est et procedens homo sine semine largitus est nobis suam deitatem

Ave Maria gratia plena dominus tecum

Benedicta tu in mulieribus et benedictus fructus ventris tui

Gloria patri*

Post partum virgo inviolata permansisti R. Dei genitrix intercede pro nobis

Veni creator spiritus*

Quando natus est ineffabiliter ex virgine tunc impletae sunt scripturae sicut pluvia in vellus descendisti ut salvum faceres genus humanum te laudamus deus noster

Post partum virgo inviolata permansisti

Dei genitrix intercede pro nobis

Gloria patri*

Sancta dei genitrix virgo semper Maria R. Intercede pro nobis ad dominum deum nostrum

Sancti dei omnes intercedite pro nostra omniumque salute

Veni creator spiritus*

Germinavit radix Jesse orta est stella ex Jacob virgo peperit salvatorem te laudamus deus noster

Sancta dei genitrix virgo semper Maria

Intercede pro nobis ad dominum deum nostrum

Gloria patri*

Ora pro nobis sancta dei genitrix R. Ut digni efficiamur promissione Christi

Sancti dei omnes intercedite pro vestra omniumque salute

Veni creator spiritus*

Ecce Maria genuit nobis salvatorem quem Joannes videns exclamabat dicens agnus dei ecce qui tollit peccata mundi alleluia

Ora pro nobis sancta dei genitrix

Ut digni efficiamur promissione Christi

Gloria patri*

Speciosa facta es et suavis R. In deliciis tuis sancta dei genitrix

Sancti dei omnes intercedite pro nostra omniumque salute

Beata mater et innupta virgo gloriosa regina mundi intercede pro nobis ad dominum

Ave maris stella dei mater alma atque semper virgo felix caeli porta

Post partum virgo inviolata permansisti R. Dei genitrix intercede pro nobis

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu

Sancti dei omnes intercedite pro nostra omniumque salute

Cum jucunditate memoriam beatae Mariae celebremus ut ipsa pro nobis intercedat ad dominum Jesum Christum

Virgo dei genitrix quam totus non capit orbis in tua se clausit viscera factus homo

Ecce ancilla domini R. Fiat mihi secundum verbum tuum

Sicut myrrha electa odorem dedisti suavitatis sancta dei genitrix

Placebo domino in regione vivorum

Heu me quia incolatus meus prolongatus est

Dominus custodit te ab omni malo custodiat animam tuam dominus

Si iniquitates observaveris domine domine quis sustinebit

Opera manuum tuarum ne despicias

Qui Lazarum resuscitasti a monumento foetidum tu eis domine dona requiem et locum indulgentiae

Circumdederunt me gemitus mortis dolores inferni circumdederunt

Dirige domine deus meus in conspectu tuo viam meam

Convertere domine et eripe animam meam quoniam non est in morte qui memor sit tui

Nequando rapiat ut leo animam meam dum non est qui redimat neque qui salvum faciat

Qui Lazarum resuscitasti a monumento foetidum tu ei domine dona requiem et locum indulgentiae

Qui venturus est judicare vivos et mortuos et saeculum per ignem

Credo quod redemptor meus vivit et in novissimo die de terra surrecturus sum et in carne mea videbo deum salvatorem meum

Quem visurus sum ego ipse et non alius oculi mei conspecturi sunt et non alius

Heu mihi domine quia peccavi nimis in vita mea quid faciam miser ubi fugiam nisi ad te deus meus miserere mei dum veneris in novissimo die

Anima mea turbata est valde sed tu domine succurre ei

In loco pascuae ibi me collocavit

Delicta juventutis meae et ignorantias meas ne memineris domine

Credo videre bona domini in terra viventium

In memoria aeterna erit justus R. Ab auditione mala non timebunt

Ne recorderis peccata mea domine dum veneris judicare saeculum per ignem

Amplius lava me domine ab injustitia mea et a delicto meo munda me

Domine quando veneris judicare terram ubi me abscondam a vultu irae tuae quia peccavi nimis in vita mea

Commissa mea pavesco et ante te erubesco dum veneris judicare noli me condemnare

Peccantem me cottidie et non me paenitentem timor mortis conturbat me quia in inferno nulla est redemptio miserere mei deus et salva me

Deus in nomine tuo salvum me fac et in misericordia tua libera me

Domine abstraxisti ab inferis animam meam

Complaceat tibi domine ut eruas me domine ad adjuvandum me respice

Sitivit anima mea ad deum fontem vivum quando veniam et apparebo ante faciem domini

Audivi vocem de caelo dicentem mihi R. Beati mortui qui in domino moriuntur

Domine secundum actum meum noli me judicare nihil dignum egi in conspectu tuo ideo deprecor majestatem tuam ut tu deus deleas iniquitatem meam

Quoniam iniquitatem meam ego cognosco et delictum meum coram est semper tibi soli peccavi

Memento mei deus quia ventus est vita mea nec aspiciat me visus hominis

Et non revertetur oculus meus ut videat bona

Libera me domine de morte aeterna die illa tremenda quando caeli movendi sunt et terra dum veneris judicare saeculum per ignem

Dies illa dies irae calamitatis et miseriae dies magna et amara valde

Tremens factus sum ego et timeo dum discussio venerit atque ventura ira

Plangent se super se omnes tribus terrae vix justus salvabitur et ego ubi parebo

Creator omnium rerum deus qui me de limo terrae formasti et mirabiliter proprio sanguine redemisti corpusque meum licet modo putrescat de sepulcro facies in die judicii resuscitari exaudi exaudi exaudi me ut animam meam in sinu Abrahae patriarchae tui jubeas collocari

Exsultabunt domino ossa humiliata

Exaudi deus orationem meam ad te omnis caro veniet

Me suscepit dextera tua domine

Eruisti domine animas eorum ne perirent

Omnis spiritus laudet dominum

Ego sum resurrectio et vita qui credit in me etiam si mortuus fuerit vivet et omnis qui credit in me non morietur in aeternum

Kyrie eleison Christe eleison kyrie eleison