Regnat cum domino martyr eximius virtutum balteo praecintus fortius tradens martyrio corpus passibile jam victor exprobrat lictores Totilae

Optata caelitus fretus victoria datori jubilat jugi laetitia secure subiens portas refugii cacumen possidet vitalis gaudii

Vigilanter currens ad lauream ensi molem supponit carneam felix martyrium praecedit lacrima per quam pinguedine repletur anima

Trinus unus incommutabilis est per saecla deus laudabilis qui probatum per patientiam Herculanum traxit ad gloriam

Venerandas tollunt reliquias quidam sancto faventes praesuli locis suis aptant minutias festinantes ad locum tumuli cum quo membra defuncti parvuli collocantes agunt exsequias

Qui vitium nescit tutus post fata quiescit

Gloria patri et filio et spiritui sancto

Deus tuorum*

Magna est gloria ejus in salutari tuo R. Gloriam et magnum decorem impones super eum

Perusina laetare civitas diem festum colens gaudio quem sacravit Syra societas Herculani sacro martyrio omnis culpae cesset occasio regnet in te fides spes caritas norma vitae morum frugalitas divinorum pia devotio

Cum teneret orbis imperium Julianus hostis fidelium Herculanus relinquens Syriam dei ductu venit in Tusciam

Justus ut palma florebit R. Sicut cedrus Libani multiplicabitur

Praedicanda Christi benignitas justum duxit ad regna caelica vices illi rependens meritas et augmentans manu munifica ubi phalanx gaudet angelica ubi pollet sanctorum claritas ubi regnat perfecta claritas trinus deus majestas unica

Regnat cum domino*

Gloria et honore*

Deus tuorum*

Magna est*

O tuorum custos fidelium Herculane pastor et domine da virtutem succide vitium serva tuos ab omni crimine subtracto carnis spiramine transeamus ad vitae gaudium contemplantes patrem et filium conregnantem cum sacro flamine