Insignes sponsae Christi a puerilibus annis pudicitiam deo amabilem fideliter amaverunt

Ipse vero integritatem pudicitiae domino deo suo consecrarunt

Quarum mentium inhabitator est Christus qui consolationis solatium contra tribulationem illis semper ingerit

Sacratissima virginitas deo disponente in suo gradu usque in sanguinis effusione permansit

Igitur dum nimis hanc dilexit nec supplicia nec gladium tyranni furentis expavit

Innumerabilis virginum chorus spreta liberorum propagine dum sponso qui in caelis est perhenni mente actu et habitu applicari maluit

Ecce florentem mundum mentis despectu calcarunt

Simile est regnum caelorum decem virginibus quae accipientes lampades suas exierunt obviam sponso et sponsae quinque erant fatuae et quinque prudentes alleluia alleluia alleluia

Media nocte clamor factus est ecce sponsus venit exite obviam ei

Prudentes virgines aptate lampades vestras ecce sponsus venit exite obviam ei

Tunc surrexit omnes virgines illae et ornaverunt lampades suas

Virgines domini dominum benedicite in aeternum

Virginum chorus laudate dominum de caelis alleluia

Istae sunt prudentes virgines quae accepto oleo in vasis suis cum lampadibus exierunt obviam sponso et sponsae quo veniente intraverunt quae paratae erant cum eo ad nuptias