Alma mater Augustini preces nostras suscipe et per eas conditori nos placare satage ut regat gregem suum tuum ora filium

Amatorem paupertatis genuisti precibus assertorem veritatis protulisti fletibus frange nobis favos mellis de suis sermonibus

Quae obscura multis erant tu dulci colloquio ejus ore reportasti pectoris armario hinc propina potum vitae flagranti collegio

Tu de vita electorum corde scriptam regulam stylo dei habuisti quae per viam regiam te de mundi incolatu reduxit ad patriam

Regi regum salus*

Adest dies celebris quo soluta nexu carnis sancta mater Augustini assumpta est ab angelis ubi gaudet cum prophetis laetatur cum apostolis cumque omni militia deum collaudantium in caelesti curia inter quos jucunda contemplando vultum dei pia refulget Monica alleluia

Post mortem mariti egressa est sancta Monica ab agris propriis quaerere filium quem periculis atque laboribus multis et apud doctos quaerebat et indoctos alleluia

Comperta autem ejus fama beata dei famula quia mediolani esset eum confestini terra matrique sequens quietis in patiens illuc concita properavit alleluia

Gaudens ergo Monica quia filium Manicheorum sectam liquesse reperit sed nondum ei lucebat veri regula a sanctis apostolis instituta alleluia

Sanctum autem Ambrosium ancilla dei diligebat ut angelum eo quod per illum novit divinitus filium ad illam fluctuationem ancipitem esse perductum alleluia

Eodem tempore Pontitianus superveniens eremitarum exempla plurima enarrabat quae matri Augustinus hinc conversus postmodum indicans ejus spiritum exhilaravit alleluia

Alma mater*

Ora pro nobis*

O rex altissime deus mirabilis tibi canentibus esto placabilis dum matris praesulis Augustini canimus laudes ut vocibus concordet animus quae sancti spiritus ebria poculis implevit placita divinis oculis o mater Monica succurre filius alleluia

Gaudeamus omnes in domino diem festum celebrantes in honore Monicae vidue de cujus sollemnitate gaudent angeli et collaudant filium dei alleluia

Alleluia Surrexit Christus qui Monicae suscepit lacrimas quas profudit pro filio suo Augustino preces domino offerens
1-efg-gfe-de-e----3-eg-h--hg-kj-gh-hgf-efg-gfe-dc-gf-gh-hgfee-dd-ee-

Alleluia O consolatrix pauperum Monica tuis precibus Augustini sequacium in caritate Christi fratrum ad auge numerum ut gaudia percipiant mater quo jam praeisti

Augustini magni patris atque suae piae matris laudes et praeconia | Decantemus venerantes et optata celebrantes hodie sollemnia
1-cc-f-f-g-hh-g-f-ff---3-f-g-h-g-ij-hh-g-ff---3ff-d-cc-f-g-e-f--

Mater casta fide gnara vita clara Christo chara haec beata Monica | De profano propagatum nunc jam parit suum natum in fide catholica

Felix imber lacrimarum quo effulsit tam praeclarum lumen in ecclesia | Multo fletu seminavit germen uber reportavit metens in laetitia

Plus accepit quam petivit o quam miro tunc gestivit spiritus tripudio | Cernens natum federatum sed et Christo jam sacratum toto mentis studio

Haec egenis ministravit et in eis Christum pavit mater dicta pauperum | Curam gerens infirmorum lavit stravit et eorum tersit sordes vulnerum

O matrona gratiosa quam transfigunt amorosa crucifixi stigmata | Hiis accensa sic ploravit lacrimisque irrigavit pavimenta schemata

Pane caeli saturata stat a terris elevata cubiti distantia | Mente rapta exsultavit volitemus exclamavit ad caeli fastigia

Eia mater et matrona advocata et patrona sis pro tuis filiis | Ut dum carne exuemur nato tuo sociemur paradisi gaudiis

Diffusa est gratia in labiis tuis propterea benedixit te deus in aeternum et in saeculum saeculi alleluia
1-df-fghh-hg-hgh-hhgg-g--3-hjklklkjhh-hg-hg-hgk-kj-klkjk-khg-h

Quicumque fecerit voluntatem patris mei qui in caelis est ipse meus frater soror et mater est alleluia
1-d-df-f--3-fg-efed-e-ed-f-g-hij-hg--ij-hh-g-ghgfe-gg-g-ghfg-f-h-ghg-h-fgf-