Archangeli Michaelis interventione suffulti te domine deprecamur ut quos honore prosequimur contingamus et mente alleluia
Te sanctum dominum in excelsis laudant omnes angeli uno ore dicentes te decet hymnus domine
Michael Gabriel Raphael summi nuntii et omnes sancti angeli dei intercedite pro nobis in conspectu domine
Michael archangele defende nos in proelio succurre dei auxilio ut non pereamus in tremendo judicio
Angelus archangelus Michael dei nuntius de animabus justis alleluia alleluia
Te sanctum dominum in excelsis laudant omnes angeli dicentes te decet laus et honor domine
Cherubim quoque et seraphim sanctus proclamant et omnis caelicus ordo dicens
Gloria patri et filio et spiritui sancto
Dum sacrum mysterium cerneret Joannes archangelus Michael tuba cecinit dignus es domine deus noster accipere librum et aperire signacula ejus alleluia
Dum proeliaretur Michael archangelus cum dracone audita est vox dicentium salus deo nostro alleluia
Dum committeret bellum draco cum Michael archangelo audita est vox milia milium dicentium salus deo nostro
Archangele Michael constitui te principem super omnes animas suscipiendas
Angeli domini dominum benedicite in aeternum
Angeli archangeli throni et dominationes principatus et potestates virtutes caelorum laudate dominum de caelis alleluia
Archangele Christi per gratiam quam meruisti deprecamur te per unigenitum dominum nostrum ut eripias nos de laqueo mortis alleluia