Lumen ad revelationem gentium et gloriam plebis tuae Israel

Nunc dimittis servum tuum domine secundum verbum tuum in pace

Gloria*

Exsurge domine adjuva nos et libera nos propter nomen tuum

Deus auribus nostris audivimus patres nostri annuntiaverunt nobis

Gloria patri et filio et spirituis sancto

Ave gratia plena dei genetrix virgo ex te enim ortus est sol justitiae illuminans quae in tenebris sunt laetare tu senior juste suscipiens in ulnis liberatorem animarum nostrarum donantem nobis et resurrectionem

Adorna thalamum tuum Sion et suscipe regem Christum amplectere Mariam quae est caelestis porta ipsa enim portat regem gloriae novo lumine subsistit virgo adducens in manibus filium ante luciferum quem accipiens Simeon in ulnis suis praedicavit populis dominum eum esse vitae et mortis et salvatorem mundi

Responsum accepit Simeon a spiritu sancto non visurum se mortem nisi videret Christum domini et cum inducerent puerum in templum accepit eum in ulnas suas et benedixit deum et dixit nunc dimittis domine servum tuum in pace

Obtulerunt pro eo domino par turturum aut duos pullos columbarum sicut scriptum est in lege domini

Postquam impleti sunt dies purgationis Mariae secundum legem Moysi tulerunt illum in Jerusalem ut sisterent eum domino

Gloria patri*

Suscepimus*

Pueri hebraeorum portantes ramos olivarum obviaverunt domino clamantes et dicentes Hosanna in excelsis

Pueri hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Cum appropinquaret dominus Jerusalem misit duos ex discipulis suis dicens ite in castellum quod est contra vos et invenietis pullum asinae alligatum super quem nullus hominum sedit solvite et adducite mihi si quis vos interrogaverit dicite opus domini est solventes adduxerunt ad Jesum et imposuerunt illi vestimenta et sedit super eum alii expandebant vestimenta sua in via alii ramos de arboribus externebant et qui sequebantur clamabant hosanna benedictus qui venit in nomine domini benedictum regnum patris nostri David hosanna in excelsis miserere nobis fili David

Cum audisset populus quia Jesus venit Jerusalem acceperunt ramos palmarum et exierunt ei obviam et clamabant pueri dicentes hic est qui venturus est in salutem populi haec est salus nostra et redemptio Israel quantus est iste cui throni et dominationes occurrunt noli timere filia Sion ecce rex tuus venit tibi sedens super pullum asinae sicut scriptum est salve rex fabricator mundi qui venisti redimere nos

Ante sex dies sollemnis paschae quando venit dominus in civitatem Jerusalem occurrerunt ei pueri et in manibus portabant ramos palmarum et clamabant voce magna dicentes hosanna in excelsis benedictus qui venisti in multitudine misericordiae tuae hosanna in excelsis

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laude Christi voces tonant per nubila hosanna

Cum angelis et pueris fideles inveniantur triumphatori mortis clamantes hosanna in excelsis

Turba multa quae convenerat ad diem festum clamabat domino benedictus qui venit in nomine domini hosanna in excelsis

Gloria laus et honor tibi sit rex Christe redemptor

Cui puerile decus prompsit hosanna pium

Gloria laus*

Israel es tu rex Davidis et inclyta proles

Nomine qui in domini rex benedicte venis

Gloria laus*

Coetus in excelsis te laudat caelitus omnis

Et mortalis homo et cuncta creata simul

Gloria laus*

Plebs Hebraea tibi cum palmis obvia venit

Cum prece voto hymnis adsumus ecce tibi

Gloria laus*

Hi tibi passuro solvebant munia laudis

Nos tibi regnanti pangimus ecce melos

Gloria laus*

Hi placuere tibi placeat devotio nostra

Rex bone rex clemens cui bona cuncta placent

Gloria laus*

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audissent quod Jesus veniret Jerusalem exierunt obviam ei

Mandatum novum do vobis ut diligatis invicem sicut dilexi vos dicit dominus

Beati immaculati in via qui ambulant in lege domini

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Magnus dominus et laudabilis nimis in civitate dei nostri in monte sancto ejus

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

In diebus illis mulier quae erat in civitate peccatrix ut cognovit quod Jesus recubuit in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Benedixisti domine terram tuam avertisti captivitatem Jacob

Maria ergo unxit pedes Jesu et extersit capillis suis et domus impleta est ex odore unguenti

Domine ne in furore tuo arguas me neque in ira tua corripias me

Vos vocatis me magister et domine et benedicitis sum etenim si ego lavi vestros pedes dominus et magister et vos debetis alter alterius lavare pedes

Exemplum enim dedi vobis ut et vos ita faciatis

Diligamus nos invicem quia caritas ex deo est et qui diligit fratrem suum ex deo natus est et videt deum

Quam dilecta tabernacula tua domine virtutum concupiscit et defecit anima mea in atria domini

Ubi est caritas et dilectio ibi sanctorum est congregatio ibi nec ira est nec indignatio sed firma caritas in perpetuum Christus descendit mundum redimere ut liberaret a morte hominem exemplum dedit suis discipulis ut sibi invicem pedes abluerent

Deus misereatur nostri et benedicat nobis illuminet vultum suum super nos et misereatur nostri

Congregavit nos Christus ad glorificandum seipsum reple domine animas nostras sancto spiritu

A solis ortu et occasu ab aquilone et mari

Mulier quae erat in civitate peccatrix attulit alabastrum unguenti et stans retro secus pedes domini lacrimis coepit rigare pedes ejus et capillis capitis sui tergebat

Dum esset rex in accubitu suo nardus mea dedit odorem suavitatis

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

Venit ergo ad Simonem Petrum et dixit ei Petrus

Quod ego facio tu nescis modo scies autem postea

Domine non tantum pedes meos sed et manus et caput

Si ego dominus et magister vester lavi pedes vobis quanto magis debetis alter alterius lavare pedes

Audite haec omnes gentes auribus percipite omnes qui habitatis orbem

In hoc cognoscent omnes quia mei estis discipuli si dilectionem habueritis ad invicem

Maneant in vobis fides spes caritas tria haec major autem horum est caritas

Nunc autem manent fides spes caritas tria haec

Benedicta sit sancta trinitas atque indivisa unitas confitebimur ei quia fecit nobiscum misericordiam suam

Benedicamus patrem et filium cum sancto spiritu

Ubi caritas et amor Deus ibi est

Congregavit nos in unum Christi amor

Exsultemus et in ipso jucundemur

Timeamus et amemus deum vivum

Et ex corde diligamus non sincero

Qui non habet caritatem nihil habet

Et in tenebris et umbra mortis manet

Nos alterutrum amemus et in die

Sicut decet ambulemus lucis proles

Clamat dominus et dicit clara voce

Ubi fuerint in unum congregati

Meum propter nomen simul tres vel duo

Et in medio eorum ego ero

Simul ergo cum in unum congregamur

Ne nos mente dividamus caveamus

Cessent jurgia maligna cessent lites

Et in medio sit nostri Christus deus

Caritas est summum bonum amplum donum

In qua pendet totus ordo praeceptorum

Per quam vetus atque nova lex impletur

Quae ad caeli celsa mittit se repletos

Nam ut caritas conjungit et absentes

Sic discordia disjungit et praesentes

Quia caritas praeceptis in duobus

Constat quibus deus atque omnis homo

Et per coccum prisca legem figuratur

Qui colore tingit rubro bis jubetur

Vere memor dat fraternus amor vitam

Et perpetuam malignis dabit poenam