Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui | Genitori genitoque laus et jubilatio salus honor virtus quoque sit et benedictio procedenti ab utroque compar sit laudatio | Amen

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replens bonis fastidiosos divites dimittens inanes

Immolabit haedum multitudo filiorum Israel ad vesperam paschae et edent carnes et azymos panes

Pascha nostrum immolatus est Christus itaque epulemur in azymis sinceritatis et veritatis

Comedetis carnes et saturabimini panibus iste est panis quem dedit nobis dominus ad vescendum

Non Moyses dedit vobis panem de caelo sed pater meus dat vobis panem de caelo verum

Respexit Elias ad caput suum sub cinericium panem qui surgens comedit et bibit et ambulavit in fortitudine cibi illius usque ad montem dei

Si quis manducaverit ex hoc pane vivet in aeternum

Gloria patri et filio et spiritui sancto

O sacrum convivium in quo Christus sumitur recolitur memoria passionis ejus mens impletur gratia et futurae gloriae nobilis pignus datur alleluia