Unanimiter excelsum imploremus

Ut det pacem clemens nostris in diebus

Jungat fidei speique opus bonum

Et consortium captemus supernorum

Similes quo cum beatis videamus

Glorianter vultum tuum Christe deus

Gaudium quod est immensum atque probum

Saecula per infinita saeculorum amen

O stupor et gaudium o judex homo mentium tu nostrae militae currus et auriga ignea praesentibus transfiguratum fratribus in solari specie vexit te quadriga in te signis radians in te ventura nuntians requievit spiritus duplex prophetarum tuis adesta posteris pater Francisce miseris nam increscunt gemitus ovium tuarum

O decus virgineum o jubar vitae flammeum tu sacrae munditiae doctrix et doctrina ignea fervoribus quos candidatis mentibus de fornace gratiae virtus dat divina in te signis radiat per quae salvator nuntiat quanta sis in gloria secum constituta Clara sponso supplices tuos ut salvet supplices nam incumbunt agmina hostium tuarum

Amicum quaerit pristinum qui spretum in caenobio tunicula contexit contemptu gaudet hominum leprosis fit obsequio quos antea despexit

Amica crucis plangere crucifixum novitias docet quam ipsa plangit crux ei digno pondere majores dat delicias quo major dolor angit

Sub typo trium ordinum tres nutu dei praevio ecclesias erexit

Haec Christi sui munere morbos atque molestias fugat dum cruce tangit

Audit in evangelio quae suis Christus loquitur ad praedicandum missis hoc inquit est quod cupio laetanter his innititur memoriae commissis

Vivens in mundo labili sponso conjuncta nobili sursum deliciatur clausoque carne fragili tamquam in vase fictili thesauro gloriatur

Non utens virga calceo nec pera fune cingitur duplicibus dimissis

Sit in rota versatuli fulta virtute stabili cum Christo delectatur

Laudans laudare monuit laus illi semper adfuit laus inquam salvatoris invitat aves bestias et creaturas alias ad laudem conditoris

Laudans laudare studeat in laudem semper prodeat plebs ista salvatoris quam tanta ditat sanctitas non cesset ipsa civitas a laude conditoris

Subvenite sancti dei occurrite angeli domini suscipientes animam ejus offerrentes eam in conspectu altissimi

Suscipiat te Christus qui vocavit te et in sinu Abrahae angeli deducant te

Kyrie eleison Christe eleison kyrie eleison

Pater noster*

Et ne nos*

Dominus vobiscum*

Ne recorderis peccata mea domine dum veneris judicare saeculum per ignem

Dirige domine deus meus in conspectu tuo viam meam

Kyrie eleison*

Pater noster*

Et ne nos*

Dominus vobiscum*

Libera me domine de morte aeterna in die illa tremenda quando caeli movendi sunt et terra dum veneris judicare saeculum per ignem

Tremens factus sum ego et timeo dum discussio venerit atque ventura ira

Dies illa dies irae calamitatis et miseriae dies magna et amara valde

Requiem aeternam dona eis domine et lux perpetua luceat eis

Kyrie eleison Christe eleison kyrie eleison*

Pater noster*

Et ne nos* R. Sed libera nos*

Requiem aeternam* R. Et lux perpetua*

A porta inferi R. Erue domine animam ejus

Requiescat in pace R. Amen

Domine exaudi* R. Et clamor*

Dominus vobiscum R. Et cum spiritu tuo

In paradisum deducant te angeli in tuo adventu suscipiant te martyres et perducant te in civitatem sanctam Jerusalem

Chorus angelorum te suscipiat et cum Lazaro quondam paupere aeternam habeas requiem

Aperite mihi*

Confitemini domino quoniam bonus quoniam in saeculum misericordia ejus | Dicat nunc Israel quoniam bonus quoniam in saeculum misericordia ejus | Dicat nunc domus Aaron quoniam in saeculum misericordia ejus | Dicant nunc qui timent dominum quoniam in saeculum misericordia ejus | De tribulatione invocavi dominum et exaudivit me in latitudine dominus | Dominus mihi adjutor non timebo quid faciat mihi homo | Dominus mihi adjutor et ego despiciam inimicos meos | Bonum est confidere in domino quam confidere in homine | Bonum est sperare in domino quam sperare in principibus | Omnes gentes circuierunt me et in nomine domini quia ultus sum in eos | Circumdantes circumdederunt me et in nomine domini quia ultus sum in eos | Circumdederunt me sicut apes et exarserunt sicut ignis in spinis et in nomine domini quia ultus sum in eos | Impulsus eversus sum ut caderem et dominus suscepit me | Fortitudo mea et laus mea dominus et factus est mihi in salutem | Vox exsultationis et salutis in tabernaculis justorum | Dextera domini fecit virtutem dextera domini exaltavit me dextera domini fecit virtutem | Non moriar sed vivam et narrabo opera domini | Castigans castigavit me dominus et morti non tradidit me | Aperite mihi portas justitiae ingressus in eas confitebor domino haec porta domini justi intrabunt in eam | Confitebor tibi quoniam exaudisti me et factus es mihi in salutem | Lapidem quem reprobaverunt aedificantes hic factus est in caput anguli | A domino factum est istud et est mirabile in oculis nostris | Haec est dies quam fecit dominus exsultemus et laetemur in ea | O domine salvum me fac o domine bene prosperare benedictus qui venturus est in nomine domini | Benediximus vobis de domo domini deus dominus et illuxit nobis | Constituite diem sollemnem in condensis usque ad cornu altaris | Deus meus es tu et confitebor tibi deus meus es tu et exaltabo te | Confitebor tibi quoniam exaudisti me et factus es mihi in salutem | Confitemini domino quoniam bonus quoniam in saeculum misericordia ejus

Requiem*

Aperite mihi portas justitiae ingressus in eas confitebor domino

Ingrediar*

Quemadmodum desiderat cervus ad fontes aquarum ita desiderat anima mea ad te deus | Sitivit anima mea ad deum fortem vivum quando veniam et apparebo ante faciem dei | Fuerunt mihi lacrimae meae panes die ac nocte dum dicitur mihi quotidie ubi est deus tuus | Haec recordatus sum et effudi in me animam meam quoniam transibo in locum tabernaculi admirabilis usque ad donum dei | In voce exsultationis et confessionis sonus epulantis | Quare tristis es anima mea et quare conturbas me | Spera in deo quoniam adhuc confitebor illi salutare vultus mei et deus meus | Ad meipsum anima mea conturbata est propterea memor ero tui de terra Jordanis et Hermonii a monte modico | Abyssus abyssum invocat in voce cataractarum tuarum | Omnia excelsa tua et fluctus tui super me transierunt | In die mandavit dominus misericordiam suam et nocte canticum ejus | Apud me oratio deo vitae meae dicam deo susceptor meus es | Quare oblitus es mei et quare contristatus incedo dum affligit me inimicus | Dum confringuntur ossa mea exprobraverunt mihi qui tribulant me inimici mei dum dicunt mihi per singulos dies ubi est deus tuus quare tristis es anima mea et quare conturbas me | Spera in deo quoniam adhuc confitebor illi salutare vultus mei et deus meus

Requiem*

Ingrediar in locum tabernaculi admirabilis usque ad domum dei

Haec requies*

Memento domine David et omnis mansuetudinis ejus | Sicut juravit domino votum vovit deo Jacob | Si introiero in tabernaculum domus meae si ascendero in lectum strati mei | Si dedero somnum oculis meis et palpebris meis dormitationem | Et requiem temporibus meis donec inveniam locum domino tabernaculum deo Jacob | Ecce audivimus eam in Ephrata invenimus eam in campis silvae | Introibimus in tabernaculum ejus adorabimus in loco ubi steterunt pedes ejus | Surge domine in requiem tuam tu et arca sanctificationis tuae | Sacerdotes tui induantur justitiam et sancti tui exsultent | Propter David servum tuum non avertas faciem christi tui | Juravit dominus David veritatem et non frustrabitur eam de fructu ventris tui ponam super sedem tuam | Si custodierint filii tui testamentum meum et testimonia mea haec quae docebo eos | Et filii eorum usque in saeculum sedebunt super sedem tuam | Quoniam elegit dominus Sion elegit eam in habitationem sibi | Haec requies mea in saeculum saeculi hic habitabo quoniam elegi eam | Viduam ejus benedicens benedicam pauperes ejus saturabo panibus | Illuc producam cornu David paravi lucernam christo meo | Inimicos ejus induam confusione super ipsum autem efflorebit sanctificatio mea

Requiem*

Haec requies mea in saeculum saeculi hic habitabo quoniam elegi eam

De terra*

Domine probasti me et cognovisti me tu cognovisti sessionem meam et resurrectionem meam | Intellexisti cogitationes meas de longe semitam meam et funiculum meum investigasti | Et omnes vias meas praevidisti quia non est sermo in lingua mea | Ecce domine tu cognovisti omnia novissima et antiqua tu formasti me et posuisti super me manum tuam | Mirabilis facta est scientia tua ex me confortata est et non potero ad eam | Quo ibo a spiritu tuo et quo a facie tua fugiam | Si ascendero in caelum tu illic es si descendero in infernum ades | Si sumpsero pennas meas diluculo et habitavero in extremis maris | Etenim illuc manus tua deducet me et tenebit me dextera tua | Et dixi forsitan tenebrae conculcabunt me et nox illuminatio mea in deliciis meis | Quia tenebrae non obscurabuntur a te et nox sicut dies illuminabitur sicut tenebrae ejus ita et lumen ejus | Quoniam tu possedisti renes meos suscepisti me de utero matris meae | Confitebor tibi quia terribiliter magnificatus es mirabilia opera tua et anima mea cognoscit nimis | Non occultatum est os meum a te quod fecisti in occulto et substantia mea in inferioribus terrae | Imperfectum meum viderunt oculi tui et in libro tuo omnes scribentur dies formabuntur et nemo in eis | Mihi autem nimis honorificati sunt amici tui deus nimis confortatus est principatus eorum | Dinumerabo eos et super arenam multiplicabuntur exsurrexi et adhuc sum tecum | Si occideris deus peccatores viri sanguinum declinate a me | Quia dicitis in cogitatione accipiant in vanitate civitates tuas | Nonne qui oderunt te domine oderam et super inimicos tuos tabescebam | Perfecto odio oderam illos inimici facti sunt mihi | Proba me deus et scito cor meum interroga me et cognosce semitas meas | Et vide si via iniquitatis in me est et deduc me in via aeterna

Requiem*

De terra formasti me carne induisti me redemptor meus domine resuscita me in novissimo die

Non intres*

Domine exaudi orationem meam auribus percipe obsecrationem meam in veritate tua exaudi me in tua justitia | Et non intres in judicium cum servo tuo quia non justificabitur in conspectu tuo omnis vivens | Quia persecutus est inimicus animam meam humiliavit in terra vitam meam | Collocavit me in obscuris sicut mortuos saeculi et anxiatus est super me spiritus meus in me turbatum est cor meum | Memor fui dierum antiquorum meditatus sum in omnibus operibus tuis in factis manuum tuarum meditabar | Expandi manus meas ad te anima mea sicut terra sine aqua tibi | Velociter exaudi me domine defecit spiritus meus | Non avertas faciem tuam a me et similis ero descendentibus in lacum | Auditam fac mihi mane misericordiam tuam quia in te speravi | Notam fac mihi viam in qua ambulem quia ad te levavi animam meam | Eripe me de inimicis meis domine ad te confugi doce me facere voluntatem tuam quia deus meus es tu | Spiritus tuus bonus deducet me in terram rectam propter nomen tuum domine vivificabis me in aequitate tua | Educes de tribulatione animam meam et in misericordia tua disperdes inimicos meos | Et perdes omnes qui tribulant animam meam quoniam ego servus tuus sum

Requiem aeternam*

Non intres in judicium cum servo tuo domine quia non justificabitur in conspectu tuo omnis vivens

Omnis spiritus*

Laudate dominum de caelis | Laudate eum omnes angeli ejus | Laudate eum sol et luna | Laudate eum caeli caelorum | Quia ipse dixit et facta sunt | Statuit ea in saeculum et in saeculum saeculi | Laudate dominum de terra | Ignis grando nix glacies spiritus procellarum | Montes et omnes colles | Bestiae et universa pecora | Reges terrae et omnes populi | Juvenes et virgines senes cum junioribus | Confessio ejus super caelum et terram | Hymnus omnibus sanctis ejus

Cantate domino canticum novum | Laetetur Israel in eo qui fecit eum | Laudent nomen ejus in choro | Quia beneplacitum est domino in populo suo | Exsultabunt sancti in gloria | Exsultationes dei in gutture eorum | Ad faciendam vindictam in nationibus | Ad alligandos reges eorum in compedibus | Ut faciant in eis judicium conscriptum

Laudate dominum in sanctis ejus | Laudate eum in virtutibus ejus | Laudate eum in sono tubae | Laudate eum in tympano et choro | Laudate eum in cymbalis benesonantibus

Requiem*

Omnis spiritus laudet dominum

Audivi vocem de caelo dicentem mihi R. Beati mortui qui in domino moriuntur

Ego sum*

Benedictus dominus deus Israel | Et erexit cornu salutis nobis i | Sicut locutus est per os sanctorum | Salutem ex inimicis nostris | Ad faciendam misericordiam cum patribus nostris | Jusjurandum quod juravit ad Abraham patrem | Ut sine timore de manu inimicorum nostrorum liberati | In sanctitate et justitia coram ipso | Et tu puer propheta altissimi vocaberis | Ad dandam scientiam salutis plebi ejus | Per viscera misericordiae dei nostri | Illuminare his qui in tenebris

Requiem*

Ego sum resurrectio et vita qui credit in me etiam si mortuus fuerit vivet et omnis qui credit in me non morietur in aeternum

Clementissime domine qui pro nostra miseria ab impiorum manibus mortis supplicium pertulisti libera animam ejus de inferni voragine et de ministris tartareis miserator absolve et cuncta ejus peccata oblivione perpetua dele eamque ad lucem tuam angeli tradant paradisique januam introducant ut dum corpusculum pulveri traditur ad aeternitatem perducant domine miserere super peccatrice amen

Pater noster*

Et ne nos* R. Sed libera nos*

Non intres in judicium cum ancilla tua domine R. Quia non justificabitur in conspectu tuo omnis vivens

A porta inferi R. Erue domine animam ejus

Requiescat in pace R. Amen

Domine exaudi* R. Et clamor*

Dominus vobiscum R. Et cum spiritu tuo

Requiem aeternam* R. Et lux perpetua*

Anima ejus et animae omnium fidelium defunctorum per misericordiam dei requiescant in pace R. Amen

Memento mei deus quia ventus est vita mea nec aspiciat me visus hominis

De profundis clamavi ad te domine domine exaudi vocem meam

Requiem aeternam dona ei domine et lux perpetua luceat eis

Pater noster*

Et ne nos* R. Sed libera nos*

Requiem aeternam dona eis domine R. Et lux perpetua luceat eis

A porta inferi R. Erue domine animam ejus

Requiescant in pace R. Amen

Domine exaudi* R. Et clamor*

Dominus vobiscum R. Et cum spiritu tuo

Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui | Genitori genitoque laus et jubilatio salus honor virtus quoque sit et benedictio procedenti ab utroque compar sit laudatio | Amen

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replens bonis fastidiosos divites dimittens inanes

Immolabit haedum multitudo filiorum Israel ad vesperam paschae et edent carnes et azymos panes