Concede nobis domine quaesumus veniam delictorum et intercedentibus sanctis quorum hodie sollemnia celebramus talem nobis tribue devotionem ut ad eorum pervenire mereamur societatem

Adjuvet nos eorum merita quos propria impediunt scelera excuset intercessio accusat quos actio et qui eis tribuisti caelestis palmam triumphi nobis veniam non deneges peccati

Perpetua mereamur gaudia paradisi in aula | Quem superna majestas claritate illustrat | In qua phalanx angelica cum turma gaudet apostolica | Laureata et milia martyrum dantur palma rosea | Veneranda emicat confessorum caterva | Candida radiat virginalis chorea | Salve sancta tibi proclamat trinitas | Quae et vota nostra sic reddant placita | Illorum ut per merita | Optatam adipiscamur societatem

Laudem dicite deo nostro omnes sancti ejus et qui timetis deum pusilli et magni quoniam regnabit dominus deus noster omnipotens gaudeamus et exsultemus et demus gloriam ei

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo regnabunt in aeternum

Absolve domine animas eorum ab omni vinculo delictorum non eas tormentum mortis attingat nec reorum catena constringat sed miseratio tua in pacis eas ac lucis regione constituituat