Domine qui operati sunt justitiam habitabunt in tabernaculo tuo et requiescent in monte sancto tuo

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Timete dominum omnes sancti ejus quoniam nihil deest timentibus eum ecce oculi domini super justos et aures ejus in preces illorum

Domine spes sanctorum et turris fortitudinis eorum dedisti hereditatem timentibus nomen tuum et habitabunt in tabernacula tua in saecula

Beati quos elegisti domine habitabunt in atriis tuis etenim clamabunt et hymnum dicent

Domine deus virtutum beati omnes qui sperant in te non privabis bonis eos qui ambulant in aequitate in saecula saeculorum laudabunt te

Qui diligitis dominum laetamini in domino et confitemini memoriae sanctitatis ejus

Benedicite dominum omnes virtutes ejus benedicite ministri ejus qui facitis voluntatem ejus benedicite domino

Scimus quoniam diligentibus deum omnia cooperantur in bonum his qui secundum propositum vocati sunt sancti

Sapientia sanctorum narrent populi et laudem eorum pronuntiat omnis ecclesia

Reddet deus mercedem laborum sanctorum suorum et deducet illos in via mirabili

Spiritus et animae justorum hymnum dicite deo nostro alleluia alleluia

Gloria haec est omnibus sanctis ejus

Intercede pro nobis beate pontifex Martine ad dominum deum nostrum apud quem est misericordia in perpetuum

O beate pater Martine pium dominum Jesum pro impietatibus nostris deposce

Sancte confessor Martine tua deo placita prece nos semper et ubique protege

Sancte sacerdos Martine te humiliter deprecamur ut a peccatorum nostrorum colluvionibus tuis sacris nos expurges orationibus

Domine deus noster cujus gratia beatus Martinus tres mortuos resuscitavit concede propitius ut per ejus interventum a morte animae resuscitari mereamur

Tanto meo regi deo ero acceptior quantum pro ejus nomine fuero permanens in tormentis confessor

Ego crucis Christi servus sum et crucis trophaeum optare potius debeo quam timere

Cumque carnifices apostolum ducerent ut cruciaretur concursus factus est populorum clamantium justus homo et amicus dei quid fecit ut ducatur ad crucem at ille rogabat populis ut non impedirent passionem ejus

Cum pervenisset beatus Andreas ad locum ubi crux parata erat videns eam a longe exclamavit voce magna dicens salve crux quae in corpore Christi dedicata es et ex membrorum ejus margaritis ornata

Antequam te ascenderet dominus noster o beata crux timorem terrenum habuisti modo vero amorem caelestem retinens pro voto susciperis

Amator tuus semper fui et desideravi te amplecti o bona crux

Accedentes carnifices levaverunt eum in crucem et extendentes funibus totum corpus ejus sicut eis jussum fuerat suspenderunt

Omnis interea populus conclamabat dicens virum justum pudicum ornatum moribus bonum doctorem pium modestum rationabilem non debere haec pati sed debere de cruce deponi

Lux perpetua lucebit sanctis tuis domine et aeternitas temporum alleluia

In tabernaculis justorum lux erit et laetitia

Fulgentibus palmis prosternimus advenienti domino huic omnes occurramus cum hymnis et canticis glorificantes et dicentes Benedictus dominus

Propter lignum servi facti sumus et per sanctam crucem liberati sumus fructus arboris seduxit nos filius dei redempti nos alleluia

Tunc sanctus Andreas ait jam regem meum video jam adoro jam in ejus conspectu consisto

Videntibus cunctis splendor nimius sicut fulgur de caelo veniens circumdedit eum fere mediae horae spatio et abscedente lumine emisit spiritum

Pulchra es amica mea suavis et decora sicut Jerusalem terribilis ut castorum acies ordinata

Quam pulchra es et quam decora carissima in deliciis statura tua assimilata es palmae

Viderunt illam filiae et beatissimam praedicaverunt et reginae laudaverunt illam

Una es columba mea perfecta mea una est matris suae electa genitricis suae

Laeva ejus sub capite meo et dextera illius amplexabitur me

O pulchra inter mulieres egredere et abi post vestigia gregum et pasce haedos tuos juxta tabernacula pastorum