Cum audisset Job nuntiorum verba sustinuit patienter et ait si bona suscepimus de manu domini mala autem quare non sustineamus in omnibus his non peccavit Job labiis suis neque stultum aliquid contra deum locutus est

Quantas habeo iniquitates et peccata ostende mihi cur faciem tuam abscondis et arbitraris me inimicum tuum

Cives mei vermes sunt cutis mea aruit devorata caro os meum putruit nimis datus sum in opprobrium mundo et jam non cognoscor ab amicis meis

Auditu auris audivi te nunc autem oculus meus videt te idcirco ipse me reprehendo et ago paenitentiam in favilla et cinere

Si bona suscepimus de manu domini mala autem quare non sustineamus dominus dedit dominus abstulit sicut domino placuit ita factum est sit nomen domini benedictum

In omnibus his non peccavit Job labiis suis neque stultum quid contra deum locutus est

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Nolo multa fortitudine contendat mecum nec magnitudinis suae mole me premat aequitatem proponat contra me

Utinam appenderentur peccata mea quibus iram merui et calamitas quam patior in statera

Quasi harena maris haec gravior apparet unde et verba mea dolore sunt plena

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quae cogitastis explete

Militia est vita hominis super terram et sicut dies mercennarii dies ejus

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut fenum arui

Memento mei deus quia ventus est vita mea nec aspiciat me visus hominis

De profundis clamavi ad te domine domine exaudi vocem meam

Ne abscondas me domine a facie tua manum tuam longe fac a me et formido tua non me terreat

Voca me et respondebo tibi aut certe loquar et tu responde mihi

Numquid dominus supplantat judicium aut omnipotens subvertit quod justum est libera me domine et pone me juxta te et cujusvis manus pugnet contra me

Apprehende arma et scutum et exsurge in adjutorium mihi

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

O custos hominum quare me posuisti contrarium tibi et factus sum mihimetipsi gravis parce mihi domine nihil enim sunt dies mei

Paucitas dierum meorum finitur brevi dimitte me domine sine plangam paululum dolorem meum antequam vadam ad terram tenebrosam et opertam mortis caligine

Ecce in pulvere sedeo et in pulvere dormio et si mane me quaesieris non subsistam

Adesto dolori meo deus nimium fatigor et cecidit in luctum cithara mea et cantatio mea in plorationem

Versa est in luctum cithara mea et organum meum

Versa est in luctum cithara mea et organum meum in vocem flentium parce mihi domine nihil enim sunt dies mei

O custos hominum quare me posuisti contrarium tibi et factus sum mihimetipsi gravis