Emitte agnum domine dominatorem terrae de petra deserti ad montem filiae Sion
Ostende nobis domine misericordiam tuam et salutare tuum da nobis
Rorate caeli desuper et nubes pluant justum aperiatur terra et germinet salvatorem
Germinaverunt campi eremi germen odoris Israel quia ecce deus noster cum virtute veniet et splendor ejus cum eo
Ex Sion species decoris ejus deus noster manifeste veniet
De Sion veniet dominus omnipotens ut salvum faceret populum tuum
Convertere domine aliquantulum et ne tardes venire ad servos tuos
De Sion veniet qui regnaturus est dominus Emmanuel magnum nomen ejus