Dum ortus fuerit sol de caelo videbitis regem regum procedentem a patre tamquam sponsus de thalamo suo

Gaude et laetare Jerusalem ecce rex tuus venit de quo prophetae praedicaverunt quem angeli adoraverunt quem cherubim et seraphim sanctus sanctus sanctus proclamant

Judaea et Jerusalem nolite timere cras egrediemini et dominus erit vobiscum

Constantes estote videbitis auxilium domini super vos

Gloria patri et filio et spiritui sancto

Intende qui regis Israel qui sedes super cherubim excita tuam potentiam et veni ad salvandum nos

Veni redemptor*

Tamquam sponsus R. Dominus procedens de thalamo suo

Cum esset desponsata mater Jesu Maria Joseph antequam convenirent inventa est in utero habens quod enim in ea natum est de spiritu sancto est alleluia

Fit porta Christi pervia

Benedictus qui venit in*

Completi sunt dies Mariae ut pareret filium suum primogenitum

Christus natus est nobis venite adoremus

Dominus dixit ad me filius meus est tu ego hodie genui te

Tamquam sponsus dominus procedens de thalamo suo