Hodie intacta virgo deum nobis genuit teneris indutum membris quem lactare meruit omnes Christum adoremus qui venit salvare nos

Sancta et immaculata virginitas quibus te laudibus efferam nescio quia quem caeli capere non poterant tuo gremio contulisti

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Beatus venter qui te portavit Christe et beata ubera quae lactaverunt dominum et salvatorem mundi alleluia

Lapides torrentis illi dulces fuerunt ipsum sequuntur omnes animae justae

Mortem enim quam salvator dignatus est pro omnibus pati hanc ille primus reddidit salvatori

Gloria patri et filio et

Stephano primo martyri*

Patefactae sunt januae caeli

Ave protomartyr Stephane signifer aeterni regis invicte prece quaesumus continua dominum pro nobis exora ut ipso inspirante in suo servitio persistamus devoti et a cunctis hostibus te propiciante conservemur illaesi

Regem protomartyris Stephani venite adoremus dominum Jesum Christum

Beatus Stephanus jugi legis dei meditatione roboratus tamquam lignum fructiferum secus salutarium aquarum plantatum decursus fructum martyrii in tempore suo dedit primus

Constitutus a deo praedicator praeceptorum ejus in timore sancto illi servire studuit officioque fideliter peracto in montem sanctum ejus ascendere dignus fuit