Christe qui lux*

Usquequo exaltabitur*

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Homo pacis meae in quo sperabam ampliavit adversum me supplantantionem

Et factum est postquam in captivitatem reductus est Israel et Jerusalem deserta est sedit Jeremias flens et planxit lamentatione hac in Jerusalem et dixit

Aleph Quomodo sedet sola civitas plena populo facta est quasi vidua domina gentium princeps provinciarum facta est sub tributo

Beth Plorans ploravit in nocte et lacrimae ejus in maxillis ejus non est qui consoletur eam ex omnibus caris ejus omnes amici ejus spreverunt eam et facti sunt ei inimici

Gimel Migravit Juda propter afflictionem et multitudinem servitutis habitavit inter gentes nec invenit requiem omnes persecutores ejus apprehenderunt eam inter angustias

Jerusalem Jerusalem convertere ad dominum deum tuum

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Deleth Viae Sion lugent eo quod non sint qui veniant ad sollemnitatem omnes portae ejus destructae sacerdotes ejus gementes virgines ejus squalidae et ipsa oppressa amaritudine

He Facti sunt hostes ejus in capite inimici illius locupletati sunt quia dominus locutus est super eam propter multitudinem iniquitatum ejus parvuli ejus ducti sunt in captivitatem ante faciem tribulantis