Manducantibus discipulis accepit Jesus panem et benedicens fregit et dedit illis et ait sumite hoc est corpus meum et accepto calice gratias agens dedit illis et biberunt ex eo omnes

Et ait illis hic est sanguis meus novi testamenti qui pro multis effundetur

Faciens mensam de lignis sethim et inaurabis eam auro purissimo et pones super eam panem propositionis in conspectu meo semper

Sacerdotes sancti erunt deo suo et non polluent nomen ejus incensum enim domini et panes deo offerunt et ideo sancti erunt

Faciet dominus exercituum omnibus populis in monte Sion convivium pinguium convivium vindemiae pinguium medullatorum vindemiae defaecatae

Cibavit illos ex adipe frumenti R. et de petra melle saturavit