Praeparate corda vestra domino et servite illi soli et liberabit vos de manibus inimicorum vestrorum

Auferte deos alienos de medio vestri

Factum est dum tolleret dominus Eliam per turbinem in caelum elisaeus clamabat dicens pater mi pater mi currus Israel et auriga ejus

Elevavitque pallium Eliae quod ceciderat ei percussit aquas et dixit

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat ira tua domine a populo tuo et a civitate sancta tua

Planxit autem David planctu magno super Saul et Jonathan filium ejus et dixit quomodo ceciderunt fortes in bello et interierunt arma bellica

Montes Gelboe nec ros nec pluvia super vos descendant

Homo quidam erat dives et induebatur purpura et bysso et epulabatur cottidie splendide et erat quidam mendicus nomine Lazarus qui jacebat ad januam ejus ulceribus plenus cupiens saturati de micis quae cadebant de mensa divitis et nemo illi dabat sed et canes veniebant et lingebant ulcera ejus alleluia

Elevans autem dives oculos suos cum esset in tormentis vidit Abraham a longe et Lazarum in sinu ejus et ipse clamans dixit pater Abraham miserere mei

Pater Abraham miserere mei et mitte Lazarum ut intinguat extremum digiti sui in aqua ut refrigeret linguam meam

Fili recordare quia recepisti bona in vita tua et Lazarus similiter mala