Dixit Judas Simoni fratri suo elige tibi viros et vade libera fratres tuos in Galileam ego autem et Jonathas frater meus ibimus in Galaaditim sicut fuerit voluntas in caelo sic fiat

Et nunc clamemus in caelum et miserebitur nostri

Hic est fratrum amator et populi Israel hic est qui multum orat pro populo et universa sancta civitate Jerusalem

Vir iste in populo suo mitissimus apparuit

Aperi caelos tuos domine et vide afflictionem nostram circumdederunt nos gentes ad deprimendum nos sed tu domine extende bracchium tuum et libera animas nostras

Congregatae sunt gentes in multitudine ut pugnent contra nos

Congregatae sunt gentes in fortitudine ut dimicarent contra nos et ignoramus quid agere debeamus domine deus ad te sunt oculi nostri ne pereamus

Aperi oculos tuos domine et vide afflictionem nostram

Cum intraret Jesus in domum cujusdam principis pharisaeorum sabbato manducare panem et ecce homo quidam hydropicus erat ante illum ipse vero apprehensum sanavit eum ac dimisit