Terra tremuit et quievit dum resurgeret in judicio deus

In die tribulationis meae deum exquisivi manibus meis

Exsurge domine R. Et judica causam voce meam

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fiat mensa eorum coram illis in laqueum et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quod in pectore non habeas

Verax datur fallacibus pium flagellat impius

Justificeris domine in sermonibus tuis et vincas cum judicaris

Dominus tamquam ovis ad occisionem ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Christus factus est pro nobis*

Traditor autem dedit eis signum dicens quem osculatus fuero ipse est tenete eum

Kyrie eleison Christe eleison kyrie eleison

Domine miserere nobis

Jesu Christe qui passurus advenisti propter nos

Christus dominus factus est obediens usque ad mortem

Kyrie eleison Christe eleison Kyrie eleison

Domine miserere nobis

Qui prophetice prompsisti ero mors tua o mors

Kyrie eleison Christe eleison Kyrie eleison

Domine miserere nobis

Qui expansis in cruce manibus traxisti omnia ad te saecula

Christus dominus*

Kyrie eleison Christe eleison Kyrie eleison

Domine miserere*

Vita in ligno moritur infernus ex morsu despoliatur

Christus dominus*

Kyrie eleison Christe eleison Kyrie eleison

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit dedit discipulis suis

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea R. Et super vestem meam miserunt sortem

Aleph Quomodo obtexit caligine in furore suo dominus filiam Sion projecit de caelo inclytum in terram Israel et non est recordatus scabilli pedum suorum in die furoris sui

Beth Praecipitavit dominus nec pepercit omnia speciosa Jacob destruxit in furore suo munitiones virgines Juda dejecit in terram polluit regnum et principes ejus

Gimel Confregit in ira furoris sui omne cornu Israel avertit retrorsum dexteram suam a facie inimici et succendit in Jacob quasi ignem flammae devorantis in gyro

Jerusalem Jerusalem convertere*

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Deleth Tetendit arcum suum inimicus firmavit dexteram suam quasi hostis et occidit omne quod pulchrum erat visu in tabernaculo filiae Sion effudit quasi ignem indignationem suam

He Factus est dominus velut inimicus praecipitavit omnia moenia ejus dissipavit munitiones ejus et replevit in filia Juda humiliatum et humiliatum

Vav Et dissipavit quasi hortum tentorium suum demolitus est tabernaculum suum oblivioni tradidit dominus in Sion festivitatem et sabbatum et opprobrio in indignatione furoris sui regem et sacerdotem

Jerusalem Jerusalem convertere ad dominum deum tuum

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Zai Repulit dominus altare suum maledixit sanctificationi suae tradidit in manu inimici turrium ejus muros vocem dederunt de domo domini sicut in die sollemni

Heth Cogitavit dominus dissipare murum filiae Sion tetendit funiculum suum et non avertit manum suam a perditione

Teth Luxitque antemurale et murus pariter dissipatus est defixae sunt in terram portae ejus perdidit et contrivit vectes ejus regem ejus et principes ejus in gentibus non est lex et prophetae ejus non invenerunt visionem a domino

Jerusalem Jerusalem*

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Ego quidem plantavi te vinea mea electa omne semen verum

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes*

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Tenebrae factae sunt dum crucifixisset Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua

Et velum templi scissum est a summo usque deorsum et omnis terra tremuit

Barabbas latro dimittitur et innocens Christus occiditur nam et Judas armiductor sceleris qui per pacem didicit facere bellum osculando tradidit dominum Jesum Christum

Verax datur fallacibus pium flagellat impius

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabant in animam justi et sanguinem innocentem condemnabant

Locuti sunt adversum me lingua dolosa

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Astiterunt reges terrae et principes convenerunt in unum

Jesum tradidit impius summis principibus sacerdotum et senioribus populi Petrus autem sequebatur a longe ut videret finem

Et ingressus Petrus in atrium principis sacerdotum

Caligaverunt oculi mei a fletu meo quia elongabitur a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus dum veneris in regnum tuum

Proprio filio suo non pepercit deus R. Sed pro nobis omnibus tradidit illum

Posuerunt super caput ejus causam ipsius scriptam Jesus Nazarenus rex Judaeorum

In pace in idipsum dormiam et requiescam

Habitabit in tabernaculo tuo requiescet in monte sancto tuo

Caro mea requiescet in spe

In pace in idipsum*

Aleph Quomodo obscuratum est aurum mutatus est color optimus dispersi sunt lapides sanctuarii in capite omnium platearum

Beth Filii Sion inclyti et amicti auro primo quomodo reputati sunt in vasa testea opus manuum figuli

Gimel Sed et lamiae ejus nudaverunt mammam lactaverunt catulos suos filia populi mei crudelis quasi strutio in deserto

Deleth Adhaesit lingua lactantis ad palatum ejus in siti parvuli petierunt panem et non erat qui frangeret eis

Jerusalem Jerusalem*

Sepulto domino signatum est monumentum volventes lapidem ad ostium monumenti ponentes milites qui custodirent illud

Ne forte veniant discipuli ejus et furentur eum et dicant plebi surrexit a mortuis

He Qui vescebantur voluptuose interierunt in viis qui nutriebantur in croceis amplexati sunt stercora

Vav Et major effecta est iniquitas filiae populi mei peccato Sodomorum quae subversa est in momento et non ceperunt in ea manus