Alleluia Gaudete justi in domino rectos decet collaudatio

Alleluia Exsultabunt sancti in gloria laetabuntur in cubilibus suis

Alleluia Vox exsultationis et salutis in tabernaculis justorum

Alleluia Mirabilis dominus noster in sanctis suis

Alleluia Te martyrum candidatus laudat exercitus domine

Alleluia Justi epulentur et exsultent in conspectu dei delectentur in laetitia

Alleluia Justorum animae in manu dei sunt et non tanget illos tormentum malitiae

Alleluia Fulgebunt justi et tamquam scintillae in arundineto discurrent in aeternum

Alleluia Laetamini in domino et exsultate justi et gloriamini omnes recti corde

Alleluia Exsultent justi in conspectu ejus et delectentur in laetitia

Alleluia Exsultent justi in conspectu dei delectentur in laetitia

Alleluia Confitebuntur caeli mirabilia tua domine et veritatem tuam in ecclesia sanctorum

Alleluia Pretiosa est in conspectu domini mors sanctorum ejus

Alleluia Sancti tui domine benedicent te gloriam regni tui dicent

Alleluia Justus ut palma florebit et sicut cedrus multiplicabitur

Alleluia Beatus vir qui timet dominum in mandatis ejus cupit nimis

Alleluia Justus germinabit sicut lilium et florebit in aeternum ante dominum

Alleluia Posuisti domine super caput ejus coronam de lapide pretioso

Alleluia Beatus vir qui suffert tentationem quoniam cum probatus fuerit accipiet coronam vitae

Alleluia Laetabitur justus in domino et sperabit in eo et laudabuntur omnes recti corde

Alleluia Gloria et honore coronasti eum domine

Alleluia Justus non conturbabitur quia dominus firmat manum ejus

Alleluia Justum deduxit dominus per vias rectas et ostendit illi regnum dei

Alleluia Disposui testamentum electis meis juravi David servo meo

Alleluia Inveni David servum meum oleo sancto meo unxi eum

Alleluia Elegit te dominus sibi in sacerdotem magnum in populo suo

Alleluia Tu es sacerdos in aeternum secundum ordinem Melchisedech

Alleluia Adducentur regi virgines post eam proximae ejus offerrentur tibi in laetitia

Agone triumphali militum regis summi | Dies iste celebris est populis ipsi regi credulis | Hi delectamentum respuerant mundanorum | Et crucem tunc turpem cottidie bajularunt | Hos nullius feritas a Christo separat | Quin ad eum mortibus millenis properent | Non carcer ullus aut cathena molliunt fortia in Christo pectora | Sed nec ferarum morsus diri martyrum solidum excavant animum | Non imminens capiti gladius territat | Fortissimos milites optimi domini | Nunc manu dei complexi persequentum insultant furoribus quondam crudelibus | Et plebi Christi solamen suppeditant in cunctis laboribus lubrici saeculi | Vos Christi martyres | Nos valde fragiles precibus nos justo judici sinceris jugiter commendare curate

Tubam bellicosam quam dei non verentes servi | Procedunt ad bella geminis | Horrendum instructa hostibus | Tuba mutemus consonae vocis socii | Et quos virtutum meritis socordes nequimus imitari pangamus melo | Hos athletas summi dei | Est aggressus inimicus multiformis nequitiae | Blandimentis fallacibus a veritate avertere | Ast illi cor sursum ad dominum librando solerter disrumpunt tendiculas trucis aucupis | Tunc iratus hostis latens | Vim furoris in apertum saeviendo evomuit | Armavitque membra sua adversus dei milites | Sed ipsi vincentes omnimoda poenarum genera sua capita dicarunt Christo regi laureanda