Ecce nomen domini venit de longinquo et claritas ejus replet orbem terrarum

Ecce dies veniunt dicit dominus et suscitabo David germen justum et regnabit rex et sapiens erit et faciet judicium et justitiam in terra et hoc est nomen quod vocabunt eum dominus justus noster

In diebus illis salvabitur Juda et Israel habitabit confidenter

In illa die stillabunt montes dulcedinem et colles fluent lac et mel alleluia

Jucundare filia Sion et exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Omnes sitientes venite ad aquas quaerite dominum dum inveniri potest alleluia

Ecce veniet propheta magnus et ipse renovabit Jerusalem alleluia

Spiritus sanctus in te descendet Maria ne timeas habebis in utero filium dei alleluia

Ne timeas Maria invenisti gratiam apud dominum ecce concipies et paries filium alleluia

Angelus domini nuntiavit Mariae et concepit de spiritu sancto alleluia

Leva Jerusalem oculos et vide potentiam regis ecce salvator venit solvere te a vinculo

Antequam convenirent inventa est Maria habens in utero de spiritu sancto alleluia

Quaerite dominum dum inveniri potest invocate eum dum prope est alleluia

De Sion exibit lex et verbum domini de Jerusalem alleluia

Veniet fortior me post me cujus non sum dignus solvere corrigiam calciamentorum ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ecce veniet deus et homo de domo David sedere in throno alleluia

Ex Aegypto vocavi filium meum veniet ut salvet populum suum

Sion noli timere ecce deus tuus veniet alleluia

Veni domine visitare nos in pace ut laetemur coram te corde perfecto

Ecce in nubibus caeli dominus veniet cum potestate magna alleluia

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia.

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudem et omnia ligna silvarum plaudent manibus quoniam veniet dominus dominator in regnum aeternum alleluia

Ecce dominus noster cum virtute veniet et illuminabit oculos servorum suorum alleluia

Tu es qui venturus es an alium exspectamus dicite Joanni quae vidistis ad lumen redeunt caeci mortui resurgunt pauperes evangelizantur alleluia

De caelo veniet dominator dominus et in manu ejus honor et imperium

Ecce rex veniet dominus terrae et ipse auferet jugum captivitatis nostrae

Super te Jerusalem orietur dominus et gloria ejus in te videbitur

Vox clamantis in deserto parate viam domino rectas facite semitas dei nostri

Ecce mitto angelum meum qui praeparabit viam tuam ante faciem tuam

Sion renovaberis et videbis justum tuum qui venturus est in te

Tu es qui venturus es domine quem exspectamus ut salvum facias populum tuum

Qui post me venit ante me factus est cujus non sum dignus calciamenta solvere

Dicite pusillanimes confortamini ecce dominus deus noster veniet

Cantate domino canticum novum laus ejus ab extremis terrae

Levabit dominus signum in nationibus et congregabit dispersos Israel

Ante me non est formatus deus et post me non erit quia mihi curvabitur omne genu et confitebitur omnis lingua

Veniet dominus et non tardabit et illuminabit abscondita tenebrarum et manifestabit se ad omnes gentes alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Beata es Maria quae credidisti perficientur in te quae dicta sunt tibi a domino alleluia

Dicit dominus paenitentiam agite appropinquabit enim regnum caelorum alleluia

Beatam me dicent omnes generationes quia ancillam humilem respexit deus

Consurge consurge induere fortitudinem bracchium domini

Elevare elevare consurge Jerusalem solve vincula colli tui captiva filia Sion

Ponam in*

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum

O sapientia quae ex ore altissimi prodiisti attingens a fine usque ad finem fortiter suaviterque disponens omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctum de domo carceris sedentem in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni et salva hominem quem de limo formasti

O Emmanuel rex et legifer noster exspectatio gentium et salvator earum veni ad salvandum nos domine deus noster

Egredietur virga de radice Jesse et replebitur omnis terra gloria domini et videbit omnis caro salutare dei

Nolite timere quinta enim die veniet ad vos dominus noster

Missus est Gabriel angelus ad Mariam virginem desponsatam Joseph

Ecce ancilla domini fiat mihi secundum verbum tuum

Ecce completa sunt omnia quae dicta sunt per angelum de virgine Maria

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Praecursor pro nobis ingreditur secundum ordinem Melchisedech pontifex factus est in aeternum

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

Ave Maria gratia plena dominus tecum benedicta tu in mulieribus alleluia

Joseph fili David noli timere accipere Mariam conjugem tuam quod enim in ea natum est de spiritu sancto est alleluia

Hodie scietis quia veniet dominus et mane videbitis gloriam ejus

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum

Sanctificamini filii Israel et estote parati

Sanctificamini filii Israel dicit dominus in die enim crastina descendet dominus et auferet a vobis omnem languorem

Crastina die delebitur iniquitas terrae et regnabit super nos salvator mundi

Judaea et Jerusalem nolite timere cras egrediemini et dominus erit vobiscum alleluia

Hodie scietis quia veniet dominus et mane videbitis gloriam ejus

Crastina die delebitur iniquitas terrae et regnabit super nos salvator mundi

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Crastina erit vobis salus dicit dominus deus exercituum

Orietur sicut sol salvator mundi et descendet in uterum virginis sicut imber super gramen alleluia

Hodie scietis quia veniet dominus

Et mane videbitis gloriam ejus

Gloria patri et filio et spiritui sancto

Crastina die delebitur iniquitas terrae

Et regnabit super nos salvator mundi

Gloria *

Crastina erit vobis salus

Dicit dominus deus exercituum

Gloria *

Rex pacificus magnificatus est cujus vultum desiderat universa terra

Magnificatus est rex pacificus super omnes reges universae terrae

Completi sunt dies Mariae ut pareret filium suum primogenitum

Scitote quia prope est regnum dei amen dico vobis quia non tardabit