Benedicens*

Erunt primi*

Noe vir justus atque perfectus cum deo ambulavit et fecit omnia quaecumque praecepit ei deus

Noe autem invenit gratiam ante dominum deum

Quadraginta dies et noctes aperti sunt caeli et ex omni carne habentem spiritum vitae ingressi sunt in arcam et clausit a foris ostium dominus

Noe vero et filii ejus uxor ejus et uxores filiorum ejus

Requievit arca mense septimo super montes Armeniae et aquae ibant et decrescebant usque ad decimum mensem

Decimo enim mense primo die mensis cacumina montium apparuerunt

Gloria*

Volens Noe scire si jam cessassent aquae emisit columbam quae ramum virentis olivae in ore suo deferens ad arcam reversa est

Deferens autem signum clementiae dei columba more suo

Aedificavit Noe altare domino offerrens super illud holocaustum odoratus est dominus odorem suavitatis et benedixit eis crescite et multiplicamini et replete terram

Ecce ego statuam pactum meum vobiscum et cum semine vestro post vos

Ponam arcum meum in nubibus caeli dixit dominus ad Noe et recordabor foederis mei quod pepigi tecum

Cumque obduxero nubibus caelum apparebit arcus meus in nubibus

Gloria*

Per memetipsum juravi dicit dominus non adjiciam ultra aquas diluvii super terra pacti mei recordabor ut non perdam aquis diluvii omnem carnem

Arcum meum ponam in nubibus et erit signum foederis inter me et inter terram

Ecce ego statuam pactum meum vobiscum et cum semine vestro post vos neque erit deinceps diluvium dissipans terram

Erit arcus meus in nubibus et videbo illum et recordabor foederis mei sempiterni

Benedicens ergo deus Noe ait nequaquam ultra maledicam terrae propter hominem ad imaginem quippe dei factus est homo

Hoc erit signum foederis inter me et terram arcum meum ponam in nubibus caeli

Gloria patri et filio et spiritui sancto

Secundum multitudinem miserationem tuarum domine dele iniquitatem meam

Deus meus es tu et confitebor tibi deus meus es tu et exaltabo te

Ad te de luce vigilo deus ut videam virtutem tuam

Hymnum dicite et superexaltate eum in saecula

Omnes angeli ejus laudate dominum de caelis

Cum turba plurima conveniret ad Jesum et de civitatibus properarent ad eum dixit per similitudinem exiit qui seminat seminare semen suum

Semen cecidit in terram bonam et attulit fructum aliud centesimum et aliud sexagesimum

Semen cecidit in terram bonam et attulit fructum in patientia

Jesus haec dicens clamabat qui habet aures audiendi audiat

Qui verbum dei retinent corde perfecto et optimo fructum afferunt in patientia

Vobis datum est nosse mysterium regni dei ceteris autem in parabolis dixit Jesus discipulis suis