Dignus es domine accipere librum et aperire signacula ejus quoniam occisus es et redemisti nos deo in sanguine tuo alleluia

Fecisti enim nos deo nostro regnum et sacerdotium

Ego sicut vitis fructificavi suavitatem odoris alleluia transite ad me omnes qui concupiscitis me et a generationibus meis adimplemini alleluia alleluia

In me gratia omnis vitae et veritatis in me omnis spes vitae et virtutis

Audivi vocem in caelo tamquam vocem tonitrui magni alleluia regnabit deus noster in aeternum alleluia quia facta est salus et virtus et potestas Christi ejus alleluia alleluia

Et vox de throno exivit dicens laudem dicite deo nostro omnes servi ejus et qui timetis deum pusilli et magni

Locutus est ad me unus ex septem angelis dicens veni ostendam tibi novam nuptam sponsam agni et vidi Jerusalem descendentem de caelo ornatam monilibus suis alleluia alleluia alleluia

Et sustulit me in spiritu in montem magnum et altum

Audivi vocem in caelo angelorum multorum dicentium timete dominum et date claritatem illi et adorate eum qui fecit caelum et terram mare et fontes aquarum alleluia alleluia

Vidi angelum dei fortem volantem per medium caelum voce magna clamantem et dicentem

Veniens a Libano quam pulchra facta est alleluia et odor vestimentorum ejus super omnia aromata alleluia alleluia

Favus distillans labia ejus mel et lac sub lingua ejus

Decantabat populus Israel alleluia et universa multitudo Jacob canebat legitime et David cum cantoribus citharam percutiebat in domo domini et laudes deo canebat alleluia alleluia

Sanctificati sunt ergo sacerdotes et levitae et universus Israel deducebat arcam foederis domini in jubilo

Vidi portam civitatis ad orientem positam et apostolorum nomina et agni super eam scripta et super muros ejus angelorum custodiam alleluia

Vidi caelum novum et terram novam et civitatem novam descendentem de caelo

Gloria*

Ostendit mihi angelus fontem aquae vivae et dixit ad me alleluia hic deum adora alleluia alleluia alleluia

Postquam audissem et vidissem cecidi ut adorarem ante pedes angeli qui mihi haec ostendebat et dixit mihi

Vidi Jerusalem descendentem de caelo ornatam auro mundo et lapidibus pretiosis intextam alleluia alleluia

Et erat structura muri ejus ex lapide jaspide ipsa vero auro mundo simile vitro mundo

In diademate capitis Aaron lapides pretiosi fulgebant dum perficeretur opus dei alleluia alleluia alleluia

In veste enim poderis quam habebat totus erat orbis terrarum et parentum magnalia in quattuor ordinibus lapidum erant sculpta

Plateae tuae Jerusalem sternentur auro mundo alleluia et cantabitur in te canticum laetitiae alleluia et per omnes vicos tuos ab universis dicetur alleluia alleluia

Luce splendida fulgebis et omnes fines terrae adorabunt te

Alleluia*

Ego sum pastor ovium*

Ego sum pastor bonus qui pasco oves [meas et pro] ovibus meis pono [animam] meam alleluia