Surgens Jesus mane prima sabbati apparuit primo Mariae Magdalenae de qua ejecerat septem daemonia alleluia

Praecedam vos in Galilaeam ibi me videbitis sicut dixi vobis alleluia

Alleluia ego sum vitis vera alleluia vos palmites mei alleluia alleluia

Ardens est cor meum desidero videre dominum meum quaero et non invenio ubi posuerunt eum alleluia

Venerunt ad monumentum Maria Magdalenae et altera Maria videre sepulcrum alleluia

Euntes in mundum alleluia docete omnes gentes alleluia

Euntes in mundum docete omnes gentes baptizantes eos in nomine patris et filii et spiritus sancti alleluia

Ite nuntiate fratribus meis alleluia ut eant in Galilaeam ibi me videbunt alleluia alleluia alleluia

Tu solus peregrinus es et non audisti de Jesu quomodo tradiderunt eum in damnationem mortis alleluia

Nonne sic oportuit pati Christum et intrare in gloriam suam alleluia

Et incipiens a Moyse et omnibus prophetis interpretabatur illis scripturas quae de ipso erant alleluia

Et coegerunt illum dicentes mane nobiscum domine quia advesperascit alleluia

Mane nobiscum quoniam advesperascit et inclinata est jam dies alleluia alleluia

Et intravit cum illis et factum est dum recumberet cum illis accepit panem et benedixit fregit ac porrigebat illis alleluia

Cognoverunt dominum alleluia in fractione panis alleluia

Alleluia alleluia alleluia

Pax vobis ego sum alleluia nolite timere alleluia

Mitte manum tuam et cognosce loca clavorum alleluia et noli esse incredulus sed fidelis alleluia

Quia vidisti me Thoma credidisti beati qui non viderunt et crediderunt alleluia