[Plaude turba paupercula ad patrem clama pauperem hoc lugubre suspirium pater Francisce suscipe et prode] Christo stigmata lateris pedum manuum ut nobis reddat orphanis tanti patris vicarium alleluia

Salve sancte pater patriae lux forma minorum virtutis speculum recti via regula morum carnis ab exsilio duc nos ad regna polorum alleluia

Caelorum candor splenduit novum sidus emicuit sacer Franciscus claruit cui seraph apparuit signans eum charactere in volis plantis latere dum formam crucis gerere vult corde ore opere alleluia

Crucis apparet hostia tensis in cruce bracchiis sex alis tecta variis cum vultus elegantia quae [Francisci cor attrahit augens ei charismata suaque sacra stigmata in ejus carnem protrahit]