Resurrexit dominus*

Dignus es domine accipere librum et aperire signacula ejus quoniam occisus es et redemisti nos deo in sanguine tuo alleluia

Parce domine parce populo tuo quem redemisti Christe

Ego sicut vitis fructificavi suavitatem odoris alleluia transite ad me omnes qui concupiscitis me et a generationibus meis adimplemini alleluia alleluia

Ego diligentes me diligo et qui mane vigilaverint ad me invenient me

Audivi vocem in caelo tamquam vocem tonitrui magni alleluia regnabit deus noster in aeternum alleluia quia facta est salus et virtus et potestas Christi ejus alleluia alleluia

Vidi angelum dei volantem per medium caeli voce magna clamantem et dicentem

Gloria*

Surrexit dominus vere alleluia*

Locutus est ad me unus ex septem angelis dicens veni ostendam tibi novam nuptam sponsam agni et vidi Jerusalem descendentem de caelo ornatam monilibus suis alleluia alleluia alleluia

Et sustulit me in spiritu in montem magnum et altum

Audivi vocem in caelo angelorum multorum dicentium timete dominum et date claritatem illi et adorate eum qui fecit caelum et terram mare et fontes aquarum alleluia alleluia

Et exivit vox magna de templo a throno dicens

Ostendit mihi angelus fontem aquae vivae et dixit ad me alleluia hic deum adora alleluia alleluia alleluia

Postquam audissem et vidissem cecidi ut adorarem ante pedes angeli qui mihi haec ostendebat et dixit mihi

Gloria*

Surrexit dominus de sepulcro*

Decantabat populus in Israel alleluia et universa multitudo Jacob canebat legitime et David cum cantoribus citharam percutiebat in domo domini et laudes deo canebat alleluia alleluia

Moyses et Aaron in sacerdotibus ejus et Samuel inter eos

Haec est Jerusalem civitas magna caelestis ornata tamquam sponsam agni quoniam tabernaculum facta est alleluia

Portae ejus non claudentur per diem nox enim non erit in ea

Docete filios vestros alleluia ut memoriter teneant alleluia et ore decantent alleluia alleluia

Scripsit Moyses canticum et docuit filios Israel

Gloria*

Pastor bonus animam suam ponit pro ovibus suis alleluia

Sicut novit me pater et ego agnosco patrem et animam meam pono pro ovibus meis alleluia

Venit Maria nuntians discipulis quia vidi dominum alleluia

In Galilaea Jesum videbitis sicut dixit vobis alleluia

Euntes in mundum docete omnes gentes baptizantes eos in nomine patris et filii et spiritus sancti alleluia

Ecce ego vobiscum sum alleluia omnibus diebus alleluia

Ardens est cor meum desidero videre dominum meum quaero et non invenio ubi posuerunt eum alleluia

Ite nuntiate fratribus meis alleluia ut eant in Galilaeam ibi me videbunt alleluia alleluia alleluia

Praecedam vos in Galilaeam ibi me videbitis sicut dixi vobis alleluia

Jesum qui crucifixus est quaeritis alleluia non est hic surrexit enim sicut dixit vobis alleluia

Jesus occurrit illis dicens avete illae autem accesserunt et tenuerunt pedes ejus alleluia