Ut queant laxis resonare fibris mira gestorum famuli tuorum solve polluti labii reatum sancte Joannes

Nuntius celso veniens Olympo te patri magnum fore nasciturum nomen et vitae seriem gerendae ordine promit

Ille promissi dubius superni perdidit promptae modulos loquelae sed reformasti genitus peremptae organa vocis

Ventris obstruso positus cubili senseras regem thalamo manentem hinc parens nati meritis uterque abdita pandit

Antra deserti teneris sub annis civium turmas fugiens petisti ne levi saltem maculare vitam famine possis

Praebuit hirtum tegimen camelus artubus sacris strophium bidentes cui latex haustum sociata pastum mella locustis

Ceteri tantum cecinere vatum corde praesago jubar affuturum tu quidem mundi scelus auferentem indice prodis

Non fuit vasti spatium per orbis sanctior quisquam genitus Joanne qui nefas saecli meruit lavantem tingere lymphis

O nimis felix meritique celsi nesciens labem nivei pudoris praepotens martyr eremique cultor maxime vatum

Serta ter denis alios coronant aucta crementis duplicata quosdam trina centeno cumulata fructu te sacer ornant

Nunc potens nostri meritis opimis pectoris duros lapides repelle asperum planans iter et reflexos dirige calles

Ut pius mundi sator et redemptor mentibus pulsa livione puris rite dignetur veniens sacratos ponere gressus

Laudibus cives celebrant superni te deus simplex pariterque trine supplices et nos veniam precamur parce redemptis amen

Joannes est nomen ejus vinum et siceram non bibet et multi in nativitate ejus gaudebunt

Nazaraeus vocabitur puer iste vinum et siceram non bibet et omne immundum non manducabit ex utero matris suae

Ipse praeibit ante illum in spiritu et virtute Eliae parare domino plebem perfectam

Tu puer propheta altissimi vocaberis praeibis ante dominum parare vias ejus

Ex utero senectutis et sterili Joannes natus est praecursor domini

Gabriel angelus*

Ut queant laxis*

Fuit homo missus*

Ingresso Zacharia templum domini apparuit ei Gabriel angelus stans a dextris altaris incensi

Regem praecursoris dominum venite adoremus

Ut queant laxis*

Priusquam te formarem in utero novi te et antequam progredereris sanctificavi te

Ad omnia quae mittam te dicit dominus ibis ne timeas et quae mandavero tibi loqueris ad eos

Ne timeas a facie eorum quia ego tecum sum dicit dominus

Gloria et honore*

Fuit homo missus a deo cui nomen Joannes erat hic venit ut testimonium perhiberet de lumine et pararet domino plebem perfectam

Non erat ille lux sed ut testimonium perhiberet de lumine

Elisabeth Zachariae magnum virum genuit Joannem Baptistam praecursorem domini qui viam domino praeparavit in eremo

Fuit homo missus a deo cui nomen Joannes erat

Priusquam te formarem in utero novi te et antequam exires de ventre sanctificavi te et prophetam in gentibus dedi te

Ecce dedi verba mea in ore tuo ecce constitui te super gentes et regna

Gloria*

Misit dominus manum suam et tetigit os meum et prophetam in gentibus dedit me dominus

Ecce dedi verba mea in ore tuo ecce constitui te super gentes et regna

Dominus ab utero vocavit me de ventre matris meae recordatus est nomini mei

Posuisti domine*

Descendit angelus domini ad Zachariam dicens accipe puerum in senectute tua et habebit nomen Joannes Baptista

Ne timeas Zacharia quoniam exaudita est oratio tua et Elisabeth uxor tua pariet tibi filium

Hic praecursor directus et lucerna lucens ante dominum ipse est enim Joannes qui viam domino praeparavit in eremo sed et agnum dei demonstrabat et illuminabat mentes hominum

Ipse praeibit ante illum in spiritu et virtute Eliae

Innuebant patri ejus qui vellet vocari eum et postulans pugillarem scripsit dicens Joannes est nomen ejus

Apertum est os Zachariae et prophetavit dicens

Gloria*

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sim salus ejus ab extremis terrae

Reges videbunt et consurgent principes et adorabunt dominum deum tuum qui elegit te

Magna est gloria ejus in salutari*

Praecursor domini venit de quo ipse testatur nullus major inter natos mulierum Joanne Baptista

Hic est enim propheta et plus quam propheta de quo idem ait

Gabriel angelus apparuit Zachariae dicens nascetur tibi filius nomen ejus Joannes vocabitur et multi in nativitate ejus gaudebunt

Erit enim magnus coram domino vinum et siceram non bibet

Inter natos mulierum non surrexit major Joanne Baptista qui viam domino praeparavit in eremo

Fuit homo missus a deo cui nomen Joannes erat

Gloria*

Fuit homo missus a deo*

Elisabeth Zachariae magnum virum genuit Joannem Baptistam praecursorem domini

Innuebant patri ejus quem vellet vocari eum et scripsit dicens Joannes est nomen ejus

Joannes vocabitur nomen ejus et in nativitate ejus multi gaudebunt

Inter natos mulierum non surrexit major Joanne Baptista

Iste puer magnus coram domino nam et manus ejus cum ipso est

Non fuit vasti*

Fuit homo missus*

Apertum est os Zachariae et prophetavit dicens benedictus deus Israel

Elisabeth Zachariae*

Inter natos*

Ut queant*

Fuit homo missus*

Puer qui natus est nobis plus quam propheta est hic est enim de quo salvator ait inter natos mulierum non surrexit major Joanne Baptista